«Ад грукату ледзь сэрца не спынілася»
6- 29.10.2026, 23:38
- 9,940
Магілёўцы расказалі пра магчымае падзенне дрона.
Некалькі карыстальнікаў Threads раніцай 29 кастрычніка напісалі, што ў Магілёве уначы чулі гучны шум — на іх думку, у горадзе збілі дрон. «Зеркало» паглядзела, што пішуць людзі, і патэлефанавала ў МНС з пытаннем, што ж урэшце адбылося.
Адзін з першых допісаў пра тое, што быў чутны выбух, апублікаваў карыстальнік пад нікам arelddd а 1:27 ночы 29 кастрычніка.
«Магілёў, што за выбух? Хтосьці чуў?» — спытаў ён.
У каментарыях тры чалавекі напісалі, што шум быў і, хутчэй за ўсё, гэта дрон.
«Чулі нешта падобнае да дрона ўначы, прыкладна каля першай гадзіны. Стала не па сабе, раней такога ніколі не было», — адказала аўтару допісу карыстальніца katiunia.
Тым, што было ўначы, пацікавілася і майстар манікюру Крысціна:
«Магілёў, чулі выбух? У раёне Буйніч?»
У каментарыях да яе публікацыі таксама адказалі станоўча, але час разыходзіўся: хтосьці пісаў, што шум быў «прыкладна ў 12», хтосьці — што ў палове першай. Сама жанчына адзначыла, што чула выбух каля першай гадзіны ночы.
Яшчэ адзін карыстальнік Threads Максім, відаць, сам нічога не чуў (і, магчыма, не мясцовы), таму адразу спытаў: «Магілёў, гэта праўда?» У каментарыях некалькі чалавек заявілі, што ўначы быў шум з-за дрона.
«Вядома, праўда, Чалюскінцаў, каля 51-га дзіцячага садка, збілі дрон, ноччу — пажарныя машыны, менты, хуткая, — напісала Вікторыя. — Я вам больш скажу: у мяне сын адзінаццаці гадоў спаў у пакоі, нічога не пачуў. Нашы пенсіянеры спяць моцна і з закрытымі вокнамі, магчыма, і не чулі. <�…> Гэта адбылося сёння каля першай ночы, гэта са слоў людзей, якія жывуць у гэтым доме… І ў мяне асабіста, жыву ў гэтым доме, ад грукату ледзь сэрца не спынілася, дзеці перапужаліся. На жаль, відаць, лётаюць».
«Жыву на Чалюскінцаў. Праўда. Две пажарныя [машыны] і хуткая. Пажарныя прачэсвалі тэрыторыю садка з ліхтарыкамі», — падзялілася Анастасія.
У той жа час былі і тыя, хто запярэчваў. «Непраўда. Людзі проста мнітэльныя. І інтэрнэтаў перачыталі», — лічыць карыстальніца пад нікам molly_pro_.
«Нічога не чулі, жывём у Задняпроўі, усё працуе, як звычайна, адвяла дзяцей у школу і садкі — і на працу», — дадала malina199382.
Каб удакладніць, што ж урэшце адбылося, журналістка «Зеркала» патэлефанавала ў Магілёўскае абласное ўпраўленне МНС як звычайная грамадзянка. На гарачай лініі ведамства слухаўку не ўзялі, а ў прыёмнай былі вельмі лаканічныя:
— Не ведаю, не чула.
На ўдакладненне, што, паводле слоў людзей, прыязджалі пажарныя, якія ўваходзяць у службы МНС, зноў паўтарылі: «Не ведаю».
Нагадаем, яшчэ ў ліпені 2024 года над Магілёвам лятаў дрон-камікадзэ Shahed, з-за чаго ў горадзе ўключалі сірэны сістэм апавяшчэння. У верасні таго ж года над Гомелем збілі расійскі беспілотнік, а ў ліпені 2025 года ў двары дома ў Мінску БПЛА урэзаўся ў будынак і зваліўся на аўтамабіль. У красавіку гэтага года ў Магілёве таксама чуліся гукі, падобныя на пралёт беспілотнікаў і выбухі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
