ЕС адмовіўся аднаўляць імпарт расійскага газу

Рашэнне ЗША — памылка.

У Еўракамісіі не плануюць аднаўляць пастаўкі газу з РФ. Пра гэта заявіла афіцыйная прадстаўніца ЕК Паўла Пінью, паведамляе Цензор.НЕТ.

«Што да нас, то мы прытрымліваемся сваёй ранейшай пазіцыі. І як старшыня фон дэр Ляен ясна заявіла на мінулым тыдні перад пачаткам пасяджэння Еўрапейскага савета, мы не будзем адмяняць ніякіх санкцый, пакуль Расія не спыніць вайну. Гэта было сказана абсалютна адназначна», — падкрэсліла яна.

Яна нагадала, што Еўрапейскі савет выказаў шкадаванне ў сувязі з прынятым раней рашэннем Злучаных Штатаў часова зняць санкцыі ў дачыненні да расійскага дызельнага паліва.

«Мы, як і раней, перакананыя, пра што таксама нагадала старшыня фон дэр Ляен, што менавіта ўзгодненыя дзеянні па абодва бакі Атлантыкі ў пытанні санкцый могуць адыграць вырашальную ролю ў спыненні гэтай вайны», — дадала Пінью.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]