Пад Растовам палае завод «Аксайкардандеталь»
2- 13.10.2026, 21:13
- 1,816
Чорны дым бачны за кіламетры.
У аўторак, 13 кастрычніка, у расійскім горадзе Аксаі (Растоўскай вобласці) здарыўся пажар на заводзе «Аксайкардандеталь». Ён з'яўляецца вядучым у РФ вытворцам карданных валаў і шарніраў.
Відавочцы дзеляцца ў сеціве кадрамі з месца падзей, перадае Dialog.UA.
Пра прычыны ўзгарання на дадзены момант інфармацыі няма. Мясцовыя ўлады і СМІ пакуль захоўваюць маўчанне.
Тым часам пажар распаўсюдзіўся на плошчы больш за 800 кв. м, узяць яго пад кантроль не ўдаецца. Папярэдне, пажар ахапіў складскія памяшканні. Над заводам «Аксайкардандеталь» падняўся слуп чорнага дыму, які бачны за кіламетры.
Судзячы па апублікаваных кадрах, наступствы будуць вельмі сур'ёзныя.
Сітуацыю пракаментавала Міжнародная разведвальная супольнасць InformNapalm. Яна адзначыла, што «Аксайкардандеталь» — гэта машынабудаўнічае прадпрыемства, якое спецыялізуецца на вытворчасці карданных валаў, шарніраў, вузлоў трансмісій і іншых кампанентаў сельскагаспадарчай і спецыяльнай тэхнікі. Аднак вытворчыя магчымасці прадпрыемства значна шырэйшыя.
«У верасні 2025 года дырэктар завода Вячаслаў Пакроўскі расказваў пра мадэрнізацыю вытворчасці з закупкай паўднёвакарэйскіх і кітайскіх станкоў. Ён таксама пацвярджаў, што прадпрыемства пашырае напрамак механічнай апрацоўкі і можа вырабляць кампаненты для іншых галін прамысловасці. Чаму гэта цікава ў кантэксце расійскага ВПК? Карданныя перадачы, шарніры і іншыя механічныя вузлы выкарыстоўваюцца не толькі ў грамадзянскіх машынах, але і ў ваеннай аўтамабільнай і спецыяльнай тэхніцы. Наяўныя тэхналогіі дазваляюць прадпрыемству патэнцыйна выконваць замовы падвойнага прызначэння», — адзначылі ў InformNapalm.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
