ЕС зацвердзіў найбуйнейшае пашырэнне санкцыйнага спісу супраць РФ
1- 12.10.2026, 13:19
- 1,662
Больш за 1600 новых пазіцый.
Міністры замежных спраў краін Еўрасаюза на пасяджэнні ў Люксембургу зацвердзілі ўключэнне ў санкцыйныя спісы амаль 1600 новых пазіцый, звязаных з расійскім ваенна-прамысловым комплексам. Пра гэта 12 кастрычніка паведаміла вярхоўная прадстаўніца ЕС па замежных справах і палітыцы бяспекі Кая Каллас. Паводле яе слоў, больш за палову з іх адносіцца да вытворчага ланцуга балістычных ракет.
«Гэта самае маштабнае пашырэнне нашага санкцыйнага спісу з таго часу, як Расія пачала вайну. Еўропа зноў дэманструе адзіны фронт», — напісала Каллас у сацсетцы X. Яна дадала, што такім чынам ЕС істотна ўскладняе, запавольвае і падаражае вытворчасць зброі, якую Расія выкарыстоўвае для забойства ўкраінцаў.
Міністры замежных спраў ЕС толькі што ўхвалілі амаль 1 600 новых санкцыйных пазіцый, накіраваных супраць расійскага ваенна-прамысловага комплексу.
Гэта найбуйнейшае пашырэнне нашага санкцыйнага спісу з таго часу, як Расія пачала сваю вайну.
Еўропа зноў дэманструе адзіны фронт.
Больш за палову з іх звязаныя з вытворчым ланцугом балістычных ракет.
Мы робім для Расіі вытворчасць зброі, якую яна выкарыстоўвае, каб забіваць украінцаў, значна больш складанай, павольнай і дарагой.
— Kaja Kallas (@kajakallas) 12 кастрычніка 2026
Такім чынам Савет ЕС ухваліў дамоўленасць, якой прадстаўнікі краін Саюза дасягнулі 7 кастрычніка. Фармальна гаворка не ідзе пра чарговы санкцыйны пакет, бо гэтае рашэнне не прадугледжвае новых сектаральных абмежаванняў супраць расійскай эканомікі.
Усяго пад абмежаванні трапяць 1646 асоб і арганізацый. Цяпер у санкцыйным рэжыме за парушэнне тэрытарыяльнай цэласнасці Украіны каля трох тысяч фігурантаў, то бок адным рашэннем ЕС павялічыць іх колькасць больш як напалову. Асноўны спіс уключае 1569 фізічных і юрыдычных асоб: 743 чалавекі і 826 арганізацый. Яны ў асноўным звязаныя з расійскім ВПК.
Паводле звестак крыніц «Нямецкай хвалі» у дыпламатычных колах ЕС, гучных імёнаў расійскіх алігархаў у новым спісе не чакаецца. Паводле інфармацыі Reuters, больш за палову новых фігурантаў задзейнічаныя ў вытворчасці балістычных ракет, у тым ліку комплексаў «Іскандэр-М». Ідзе, у прыватнасці, пра распрацоўшчыкаў і вытворцаў ракет, ракетных рухавікоў і цвёрдага паліва, вытворцаў спецыялізаваных матэрыялаў і беспілотнікаў, а таксама пра прадпрыемствы, што абслугоўваюць падводныя лодкі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
