У Беларусі мука можа падаражэць на 51%

Улады хочуць увесці рэгуляваную цану на гэты прадукт.

У Беларусі ў жніўні–верасні можа вырасці кошт мукі першага і вышэйшага гатункаў. Пра гэта паведаміла намесніца міністра антыманапольнага рэгулявання і гандлю Святлана Караткевіч.

Паводле даных «Белдзяржхарчпрама», асобныя прадпрыемствы разглядаюць магчымасць павышэння цэн на муку адразу на некалькі працэнтаў. У залежнасці ад вытворцы рост можа скласці ад 6% да 51,6%, паведамляюць расСМІ.

Сярод прадпрыемстваў, якія могуць перагледзець кошт прадукцыі, называюць Мінскі, Клімавіцкі і Гомельскі камбінаты хлебапрадуктаў. У Мінгандлі заявілі, што маюць намер праверыць інфармацыю пра магчымы рост цэн. У ведамстве нагадалі, што ў краіне працягвае дзейнічаць пастанова №713, якая рэгулюе кошт сацыяльна значных тавараў.

Калі інфармацыя пра павышэнне цэн пацвердзіцца, улады маюць намер прыняць адпаведныя меры ў межах заканадаўства.

Караткевіч таксама падкрэсліла, што прынцып «справядлівай цаны» датычыцца не толькі гандлёвых арганізацый, але і вытворцаў. Паводле яе слоў, неабгрунтаваны рост кошту сыравіны і прадукцыі вытворцаў у выніку адбіваецца на цэнах для пакупнікоў.

Намесніца міністра заклікала вытворцаў і прадстаўнікоў гандлю не спрабаваць атрымліваць кароткатэрміновую выгаду за кошт істотнага павелічэння кошту тавараў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]