Наймаладзейшы кароль свету памёр ад таямнічай хваробы

Рукідзі IV памёр у 34 гады.

Угандскі кароль Ойо Ніймба Кабамба Ігуру Рукідзі IV памёр у 34 гады. Пра гэта паведамляе Reuters са спасылкай на прэм’ер-міністра каралеўства Тооро — Кэлвіна Армстронга Руоміірэ Акіікі.

Рукідзі IV стаў наймаладзейшым кіруючым манархам у свеце, калі ўзыйшоў на трон у 1995 годзе ва ўзросце трох гадоў пасля смерці свайго бацькі.

«З глыбокім смуткам і цяжкім сэрцам я паведамляю пра смерць Яго Вялікасці Омукамы з Тооро, караля Ойо Ніймба Кабамба Ігуру Рукідзі IV», — паведаміў кіраўнік урада ў сваім допісе ў сацыяльнай сетцы X.

Урад прычыну смерці не раскрывае.

Незадоўга да абвяшчэння пра смерць караля стала вядома, што ён праходзіць лячэнне ў ЗША. Кароль не быў жанаты, але пакінуў спадчынніка, якому дастанецца карона.

Уганда — рэспубліка, якой кіруе абраны кіраўнік дзяржавы, аднак у ёй існуюць некалькі традыцыйных манархій, што ўзніклі ў дакаланіяльны перыяд. У прыватнасці, у склад краіны ўваходзіць каралеўства Тооро. Палітычная ўлада гэтых манархій пераважна сімвалічная, аднак яны маюць значны культурны і сацыяльны ўплыў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]