Лукашэнку зладзілі ганьблівую яўку з павіннай

Прапаганда нагадала балючы для дыктатара факт.

«Гэта было моцна!» — піша набліжаны да Лукашэнкі тэлеграм-канал, публікуючы кадры шасцігадовай даўніны: кіраўнік падчас чарговага шматтысячнага шэсця ў Мінску бегае па тэрыторыі палаца з аўтаматам без магазіна.

Магчыма, такім чынам прапаганда спрабуе падбадзёрыць і свайго патрона, і сябе, яшчэ раз нагадаўшы пра тое, што Лукашэнка «тут раз і назаўсёды» і «нікуды не ўцячэ».

«Шэсць гадоў мінула, а ў «ворагаў народа» ад гэтых кадраў і дагэтуль падгарае», — сцвярджае аўтар канала, не разумеючы, што робіць яўку з павіннай.

Шэсць гадоў таму «выхад у народ» са зброяй стаў паваротным момантам. Лукашэнка такім чынам канчаткова засведчыў захоп улады, якую ад таго часу збіраўся ўтрымліваць выключна грубай і ўзброенай сілай. Што і робіць дагэтуль.

Неўзабаве пасля гэтага прагучала сумнавядомая і лёсавызначальная ўстаноўка «часам не да законаў», якая дала старт ператварэнню сілавых структур у апрычнікаў рэжыму.

Нядаўна прызначаны міністр унутраных спраў Іван Кубракоў пачаў душыць народныя пратэсты ў рэжыме вайсковай аперацыі. У начных сафары на пратэстоўцаў адзначыліся і набліжаныя да двара, напрыклад, аўтар вышэйзгаданага тэлеграм-канала Наталля Эйсмант.

Танцы з «калашнікавым» прывялі да таго, што сёння прысцярэламу вождзю даруюць аўтамат «не для вайны»: падавіўшы пратэсты, ён трапіў у татальную залежнасць ад Расіі і ўрэшце ўцягнуў Беларусь у найбольш крывавы еўрапейскі канфлікт стагоддзя.

Зброю адзін аднаму даруюць і яго апрычнікі, нагадваючы сабе і іншым, што ў 2020-м яны перамаглі ўласны народ.

Кірыл Іваноў, «Салідарнасць»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]