Зяленскі: РФ назапасіла ракеты для новага ўдару па Украіне

Масіраваны ўдар можа адбыцца на працягу 48 гадзін.

Украінская і замежныя разведкі прагназуюць ракетную атаку з боку РФ у бліжэйшыя двое сутак. Пра гэта заявіў прэзідэнт Украіны Уладзімір Зяленскі у вячэрнім відэазвароце 24 ліпеня.

«Мы ведаем ад разведак і ад нашых партнёраў, што расіяне падрыхтавалі ракеты для новага масіраванага ўдару па Украіне. Магчыма, гэты ўдар будзе ўжо сёння: паводле папярэдняй інфармацыі ён можа адбыцца цягам 48 гадзін», — сказаў кіраўнік дзяржавы.

Зяленскі параіў украінцам звяртаць увагу на апавяшчэнні пра паветраную трывогу.

Пра магчымую новую расійскую атаку прэзідэнт казаў на фоне таго балістычнага абстрэлу, які адбыўся сёння, 24 ліпеня, у Бучанскім раёне Кіеўскай вобласці. Атака адбылася падчас выставы зброі. Загінулі дзесяць чалавек, яшчэ дзясяткі атрымалі раненні.

«Сёння меў размову з генеральным пракурорам Русланам Краўчэнкам, былі даклады супрацоўнікаў праваахоўных органаў, ужо распачаты крымінальныя справы па факце таго, што адбылося», — пракаментаваў прэзідэнт Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]