Ужо чутны «вой на балотах»

Маўчаць у анучу!

Сёння ўначы ўкраінскія беспілотнікі атакавалі чарговыя лагістычныя цэнтры Wildberries у Краснадары і Невіннамыску. Мае віншаванні ЗСУ з чарговай эфектыўнай ваеннай аперацыяй!

Ужо чутны «вой на балотах» — хваля заяваў з боку «антываенных расіян» і запісных экспертаў, якія ставяць пад сумнеў, а нярэдка проста адмаўляюць законнасць удараў ЗСУ па такіх аб'ектах. Усім гэтым каментатарам хочацца чарговы раз нагадаць: грамадзяне Расіі, якія лічаць сябе часткай цывілізаванага свету, не маюць ніякіх маральных правоў каментаваць дзеянні Украіны, прынамсі пакуль ідзе вайна. Як грамадзянам краіны, што вядзе гэтую жудасную генацыдную вайну, — маўчаць у анучу!

Для мяне відавочна, што ўсе лагістычныя цэнтры WB з'яўляюцца безумоўна законнай мэтай для ЗСУ. І справа не толькі ў тым, што гэтыя цэнтры з'яўляюцца важнымі вузламі кантрабанды і праз іх ажыццяўляецца забеспячэнне расійскай акупацыйнай арміі і прадпрыемстваў ВПК, якім адчайна патрэбныя падсанкцыйныя дэталі, крытычна важныя для вытворчасці ракет і дронаў. Украіна, будучы аб’ектам неправакаванай ваеннай агрэсіі, з няспыннымі на працягу некалькіх гадоў ударамі па тэрыторыі сваёй краіны, мае поўнае права на любую форму ваеннага адказу агрэсару. Кропка.

Цяжка сёння ўявіць сабе сур’ёзнага нямецкага або японскага палітыка, які б патрабаваў прызнаць Трумэна і Эйзенхаўэра ваеннымі злачынцамі за неправакаваныя ўдары па мірным насельніцтве. І пры гэтым англа-амерыканскія саюзнікі не спыняліся перад разбуральнымі бамбаваннямі гарадоў.

Не вытрымлівае крытыкі і спроба звязаць інтэнсіфікацыю расійскіх удараў па Украіне з нанесеннем шкоды найбуйнейшаму расійскаму анлайн-рытэйлеру. Такая інтэнсіфікацыя звязана выключна з агульным пагаршэннем сітуацыі для Пуціна. Мэта вайны — знішчэнне Украіны як дзяржавы — нікем не адменена. Інтэнсіфікацыя ўдараў па мірным насельніцтве — гэта працяг той вайны, якую Пуцін вядзе літаральна з чацвёртага дня вайны. Калі стала зразумела, што Кіеў не ўзяць, Расія прыступіла да метадычнага знішчэння мірнага насельніцтва Украіны. Усё, да чаго расійскія злачынцы змогуць дацягнуцца, будзе знішчацца. Расійскі дыктатар, які даўно страціў сувязь з рэальнасцю, бачыць у гэтым адзіны спосаб прымусіць Украіну да капітуляцыі. І іншых варыянтаў у яго проста няма: агульная сітуацыя на фронце не змяняецца, ніякіх поспехаў там даўно няма і, відаць, у бліжэйшай будучыні не будзе.

У ваенную мясарубку кідаюць усё новых і новых прызыўнікоў і кантрактнікаў — усё гэта дарэмна. Агульная сітуацыя ў Крыме прыкметна пагаршаецца — пастаянныя блэкаўты, праблемы з электраэнергіяй, палівам і харчаваннем. У гэтай сітуацыі Пуціну патрэбныя нейкія дзеянні. Эфектыўна яны могуць толькі забіваць мірнае насельніцтва.

Я штодня думаю, колькі яшчэ цярпення можа быць у ўкраінцаў. Відавочна, што і яны могуць забіваць расійскіх некамбатантаў у вялікіх колькасцях. Горш ужо не будзе. Усё, што можна было кінуць у іх, Пуцін ужо кінуў. Могуць, але не робяць гэтага. І вось тут палягае прынцыповая розніца: калі б Украіна вяла вайну так, як яе вядзе Пуцін, у Маскве была б гара трупаў. На шчасце для грамадзян Расіі, Украіна справядліва лічыць сябе цывілізаванай дзяржавай і па гэтай прычыне вядзе вайну паводле нормаў, прынятых сёння ў цывілізаваным свеце. Бо гэта вольная краіна, якая змагаецца за каштоўнасці вольнага свету. У адрозненне ад тых, хто цяпер спрабуе знішчыць Украіну, і тых, хто спрабуе гэта апраўдаць, уключаючы расійскую «ліберальную шушэру».

Гары Каспараў, Facebook

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]