ВМС Украіны ўпершыню атрымалі права кіраваць сіламі НАТА

Падрыхтоўка да атрымання статусу працягвалася тры гады.

Ваенна-марскія сілы (ВМС) Украіны атрымалі права кіраваць сіламі НАТА пасля ацэнкі паводле стандартаў альянсу, паведаміла прэс-служба ВМС Украіны ў Facebook.

Штаб супрацьмінных дзеянняў першага дывізіёна супрацьмінных караблёў ВМС Украіны прайшоў ацэньванне другога ўзроўню паводле стандартаў НАТА (NEL-2) і атрымаў статус Mission Capable («Поўнасцю здольны да выканання місіі»).

«Ад цяпер Украіна мае пацверджаную альянсам здольнасць ажыццяўляць камандаванне і кіраванне падначаленымі шматнацыянальнымі сіламі, узаемадзейнічаць на ўзроўні да пастаяннай супрацьміннай групы НАТА ўключна, а таксама выконваць увесь спектр задач супрацьміннай барацьбы на моры», — гаворыцца ў паведамленні ВМС Украіны.

Ацэнка праводзілася ў рамках украінска-амерыканскіх вучэнняў Sea Breeze 2026. Як адзначылі прадстаўнікі ВМС Украіны, паспяховае праходжанне NEL-2 пацвярджае здольнасць падраздзялення выконваць задачы паводле стандартаў сіл Аб’яднанага камандавання НАТА па аперацыях.

У ўкраінскім флоце заявілі, што пасля праходжання ацэнкі падраздзяленне ўпершыню ў гісторыі сучасных ВМС Украіны было ўключана ў сістэму кіравання злучэннямі НАТА па супрацьміннай барацьбе на моры.

Падрыхтоўка да атрымання статусу працягвалася тры гады. За гэты час украінскія ваенныя маракі ўкаранялі стандарты і дактрыны НАТА і праходзілі неабходныя праверкі, гаворыцца ў заяве.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]