Узброеныя сілы Украіны паразілі дзве нафтабазы і вайсковую часць у Феадосіі

Атакаваны тэрмінал — найбуйнейшы на акупаваным паўвостраве.

У ноч на 7 чэрвеня Узброеныя сілы Украіны атаквалі ў анэксаваным Крыме дзве нафтабазы — у Феадосіі і ў пасёлку Леніна (Еды-Кую), — а таксама вайсковую часць у пасёлку Савецкае. Як піша «Крымскі вецер», у Леніна пасля атакі на Сямікалодзезянскую нафтабазу мясцовыя жыхары назіралі зарыва пажару. Афіцыйных каментарыяў ад прызначаных Масквой «уладаў» паўвострава на момант публікацыі не было. У Exilenova+ са спасылкай на здымкі NASA FIRMS пацвердзілі атаку на Сямікалодзезянскую нафтабазу і пажар, які там пачаўся. Як адзначае паблік, цяпер плошча цеплавых сігнатур на месцы ўзгарання павялічваецца, што можа сведчыць аб узмацненні ўзгарання.

Партызанскі рух «АТЕШ» і «Крымскі вецер» таксама паведамляюць аб атацы і выбухах на нафтабазе ў Феадосіі. Акрамя таго, «Крымскі вецер» піша пра ўдар па вайсковай часці ў пасёлку Савецкі. Пра наступствы удараў у Феадосіі і Савецкім пакуль падрабязнай інфармацыі няма.

Сямікалодзезянская нафтабаза ў Леніна дзейнічала яшчэ ў савецкі час, была закрытая ў 1990-х, а пасля анэксіі Крыму яе працу аднавіла расійская кампанія ТАА «БК-Тэрмінал».

У Феадосіі размяшчаецца найбуйнейшая нафтабаза ў Крыме — АТ «Марскі нафтавы тэрмінал». Аб'ект змяшчае да 250 тысяч тон паліва.

Таксама на працягу ночы паведамленні пра выбухі паступалі з іншых раёнаў паўвострава. Паводле звестак крыніц «Крымскага ветру», выбухі чулі ў Джанкоі, Севастопалі і Сімферопалі. На відэазапісах, распаўсюджаных каналам, чутны характэрны гук пралёту дронаў, пасля якога чуваць выбухі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]