У Слуцку ўпаў беспілотнік?

Улады маўчаць.

У Слуцку ўдзень 2 чэрвеня перакрылі рух на адным з участкаў вуліцы Максіма Багдановіча, піша «Белсат». Паводле дадзеных шэрагу тэлеграм-каналаў, прычынай магло стаць падзенне беспілотніка, меркавана расійскага дрона тыпу Shahed. Афіцыйна гэтая інфармацыя пакуль не пацверджана.

Пра магчымaе падзенне беспілотніка ў Слуцку паведамілі адразу некалькі тэлеграм-каналаў. Паводле іх дадзеных, інцыдэнт, меркавана, адбыўся ў раёне вёскі Навадворцы, што знаходзіцца недалёка ад гарадской рысы.

Як піша BelVarta, як мінімум адзін беспілотнік мог упасці каля паўдня 2 чэрвеня.

«Паведамляецца, што месца падзення знаходзіцца ў раёне Навадворцаў, непадалёк ад вуліцы Максіма Багдановіча. Інфармацыя пра наступствы і магчымыя пашкоджанні ўдакладняецца», — пішуць аўтары.

Тэлеграм-канал «Рэальная Беларусь» сцвярджае, што ў раёне Слуцка маглі ўпасці адразу два беспілотнікі: адзін каля Навадворцаў, другі — недалёка ад вёскі Лучнікі. Паводле інфармацыі канала, месцы здарэнняў ачапілі супрацоўнікі міліцыі, вайскоўцы і ратавальнікі.

Афіцыйных паведамленняў ад уладаў, МНС або іншых дзяржаўных структур пакуль не паступала. Аператыўна атрымаць інфармацыю ў райвыканкаме і раённым аддзеле па надзвычайных сітуацыях «Зеркалу» таксама не ўдалося.

У той жа час журналісты «Белсата», пазваніўшы ў размешчаныя паблізу ўстановы як занепакоеныя грамадзяне, высветлілі, што частка вуліцы Максіма Багдановіча сапраўды застаецца перакрытай. Паводле суразмоўцаў выдання, на асобных участках дарогі з боку Навадворцаў рух пакуль не адноўлены, а на месцы працягваюць працаваць экстранныя службы.

За некалькі кіламетраў ад вёскі і перакрытага ўчастка выбуху не чулі і мяркуюць, што дрон не выбухнуў.

@charter97.org Магчымае падзенне дрона выклікала перапалох у Слуцку #навіны #беларусь #слуцк #дрон #сёння #трэнды #viral #fyp #tiktok #news ♬ арыгінальны гук — Хартыя97

«Ад праспекта Леніна едуць машыны, ходзяць аўтобусы. На Багдановіча перакрытая дарога дзесьці ў Навадворцах — кажуць, там яшчэ не адкрылі рух. Кажуць, дрон лётаў там у раёне запраўкі, але нічога невядома. Там людзей няма, калі б у запраўку трапіў — выбухнула б, а так, напэўна, усё нармальна», — расказаў адзін з суразмоўцаў выдання.

Раніцай і ўдзень 2 чэрвеня паветраная трывога абвяшчалася ў некалькіх абласцях Украіны, якія мяжуюць з Беларуссю. У прыватнасці, пра рух расійскіх беспілотнікаў паведамлялася ў Чарнігаўскай вобласці ўздоўж беларускай мяжы.

Нагадаем, у ноч на 2 чэрвеня Расія атакавала адразу некалькі рэгіёнаў Украіны. Найбольш цяжкія наступствы зафіксаваныя ў Дніпры, дзе загінулі 16 чалавек і 42 былі параненыя. Таксама паведамлялася пра пацярпелых у Харкаве і Каменскім. У сувязі з трагедыяй у Дніпры 3 чэрвеня абвешчаны дзень жалобы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]