ЕС ударыў па Расіі новымі санкцыямі

Пад абмежаванні трапілі расійскі ВПК, «ценявы флот» і сеткі прапаганды Крамля.

Рада Еўрапейскага Саюза ўхваліла новыя абмежавальныя меры для супрацьдзеяння агрэсіўнай вайне Расіі супраць Украіны, расійскай гібрыднай дзейнасці і сістэматычнаму пагарджанню міжнародным правам, у тым ліку правамі чалавека. Санкцыі ўведзеныя супраць 34 фізічных і 47 юрыдычных асоб, гаворыцца ў паведамленні Рады ЕС.

Гэтыя меры яшчэ больш абмяжуюць расійскі ваенна-прамысловы комплекс, будуць скарачаць энергетычныя даходы Расіі шляхам звужэння экасістэмы ценявага флоту, зрываць гібрыдныя пагрозы і перашкаджаць распаўсюджванню расійскай дзяржаўнай прапаганды, якая апраўдвае агрэсіўную вайну. Акрамя таго, будуць выкрываныя выпадкі сістэматычных рэпрэсій і парушэнняў правоў чалавека ў Расіі, а таксама пастаяннае ігнараванне палажэнняў Канвенцыі аб забароне хімічнай зброі.

Як паведаміла вярхоўная прадстаўніца ЕС Кая Каллас, гэтыя санкцыі ўхваленыя з мэтай узмацнення ціску на Расію для спынення вайны.

«Гэтыя меры б'юць у самае сэрца расійскага ваенна-прамысловага комплексу, па яго ценявым флоце і сетках, што падсілкоўваюць гібрыдныя атакі Масквы супраць Еўропы. Паралельна працягваецца праца над больш шырокім 21-м пакетам санкцый. Кожная мера звужае прастору для манеўру Расіі. І лічбы гавораць самі за сябе. Заходнія санкцыі ўжо каштавалі Расіі прыблізна 1–1,3 трыльёна еўра. Цаглінка за цаглінкай мы разбураем асновы ваеннай эканомікі Расіі», – падкрэсліла Каллас.

Удакладняецца, што ЕС ужывае санкцыі супраць сямі асоб і 21 арганізацыі, датычных падтрымкі расійскага ваенна-прамысловага комплексу, а таксама расійскіх прыхільнікаў у трэціх краінах. Адпаведна, санкцыі накіраваныя супраць некалькіх вытворцаў і пастаўшчыкоў беспілотнікаў і іншага ваеннага абсталявання для расійскіх узброеных сіл, якія выкарыстоўваюць гэтае абсталяванне ў вайне супраць Украіны.

Разам з тым, санкцыі ўключаюць двух фізічных асоб – Тахіра Гараева і Канстанціна Рагача, а таксама 24 арганізацыі. Усе яны звязаныя з пастаўкамі і экспартам сырой нафты або нафтапрадуктаў з Расіі, у прыватнасці праз расійскі ценявы флот. Гэты флот служыць інструментам для абыходу санкцый ЕС. Санкцыі ахопліваюць «Лукойл-Заходняя Сібір» і шматлікія кампаніі, што базуюцца ў Расіі, Ліберыі, Турцыі, ААЭ, Азербайджане і Ганконгу.

Акрамя таго, Рада ЕС падоўжыла да 23 чэрвеня 2027 года дзеянне санкцый, звязаных з незаконнай анексіяй Крыму і Севастопаля.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]