Беларуска назвала сваю пенсію пасля 37 гадоў працы
54- 13.06.2026, 20:56
- 31,802
Лічбы выклікалі ажыўленую дыскусію.
Беларуска, якая пераехала жыць у Польшчу, у TikTok узняла пытанне пра пенсіі ў нашай краіне. Яна папрасіла карыстальнікаў гэтай сацсеткі падзяліцца памерам сваіх даходаў на заслужаным «адпачынку». Карціна атрымалася неадназначная, піша «Зеркало».
Беларуска ў TikTok расказала, што пад адным з яе пастоў пакінулі такі каментар:
«Гэта ж трэба ні халеры не рабіць у Беларусі, каб зарабіць пенсію 600 рублёў. Хто нармальна працаваў, у таго пенсія добрая», — агучыла аўтарка роліка.
«Людзі атрымліваюць па 490 рублёў? Па 500 рублёў атрымліваюць, не ведаеш? — звярнулася ціктокерка да аўтара каментара. — У нас больш за палову краіны атрымлівае па 700 рублёў. Больш за палову пенсіянераў. Так, ёсць тыя, хто па 1200 атрымлівае, я не спрачаюся, — гэта менавіта апошнія, што ідуць. Тыя, хто былі пры месцах, пры справах, таксама атрымліваюць».
Яна расказала, што прапрацавала паваром 37 гадоў і «выйшла на пенсію — 495 рублёў». «І мне яшчэ сказалі ў маім пенсійным, што ў мяне яшчэ не самая дрэнная пенсія. Кажуць: «Вы колькі думалі?» Я кажу: «Ну, 500», — пераказвае ціктокерка.
Пасля гэтага яна прапанавала пад відэа напісаць, хто колькі атрымлівае.
Меркаванні каментатараў разышліся — адны таксама кажуць, што выплаты пенсіянерам невялікія, іншыя з гэтым не згодныя:
«Мая маці — ветэран працы… Пенсія 690 рублёў».
«Я жыву ў Беларусі, працавала прыбіральшчыцай і атрымліваю пенсію 900. Правільны каментар».
«Нармальны каментар напісала жанчына, да чаго напады. Жанчына выказала сваё меркаванне! У мяне пенсія 1500».
«Той, хто не працаваў, той і не зарабіў. Я працавала ў сельскай гаспадарцы і зарабіла выдатную пенсію».
«Мая мама — Герой Працы, стаж 42 гады, пенсія 600 рублёў».
«Стаж 31 год у гандлі, пенсія 1010 рублёў».
«У мяне мама медсястрой працавала, пенсія 720 рублёў».
«Даярка. 39 гадоў стажу. Пенсія 790 рублёў. Дык я праспала ўвесь гэты час?»
«Бацькі на заводзе інжынерамі былі, на дваіх 2500 рублёў. Сярэдняя пенсія 1000 рублёў у краіне».
«Я адпрацавала ў медыцыне 36 гадоў, пенсія 785 рублёў».
«Людзі атрымліваюць 490 рублёў — тыя, якія ў канверце атрымлівалі зарплату».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
