Зяленскі заявіў пра акно для перамоваў з Расіяй

Яно працягнецца да зімы.

Прэзідэнт Украіны Уладзімір Зяленскі заявіў, што Расія, паводле яго ацэнкі, працягвае губляць ініцыятыву на полі бою, што адкрывае акно магчымасцяў для дыпламатычнага ўрэгулявання вайны. Пра гэта ён паведаміў у сваім Telegram-канале.

Паводле слоў украінскага лідара, са снежня 2025 года расійскія войскі пачалі страчваць аператыўную ініцыятыву. Ён адзначыў, што ў студзені 2026 года інфармаваў амерыканскіх партнёраў пра наяўнасць «акна магчымасцяў» для перамоў, паколькі, на ягоную думку, расійская армія будзе несці ўсё больш значныя страты.

Зяленскі падкрэсліў, што цяпер сітуацыя на фронце змянілася: «вораг не можа за месяц акупаваць больш тэрыторыі, чым украінскія войскі вызваляюць». У сувязі з гэтым ён лічыць важным не ўпусціць момант для дыпламатычнага дыялогу.

Пры гэтым прэзідэнт адзначыў, што перспектывы перамоў залежаць ад ціску — як унутранага ў Расіі, так і вонкавага з боку санкцый ЗША і Еўрапейскага саюза.

«Таму я лічу, што нам трэба знайсці дыпламатычны шлях — сесці і пагаварыць — да пачатку наступнай зімы», — заявіў Зяленскі.

Ён таксама закрануў пытанне магчымага фармату перамоў з удзелам Еўропы. Паводле яго слоў, у якасці прадстаўнікоў могуць выступаць краіны фармату E3 — Вялікабрытанія, Францыя і Германія, а таксама паўночнаеўрапейскія краіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]