«На чым вы будзеце з'язджаць, мы не ведаем»

Паліўны крызіс у Крыме адпужвае апошніх турыстаў.

Акупаваны расіянамі Крым, які раней лічыўся турыстычным рэгіёнам, ператварыўся ў зону ўдараў дронаў Узброеных Сіл Украіны. У рэгіёне ўзмацняецца паліўны крызіс, які ўжо ўплывае на турыстычны сезон, піша «Дыялог».

Паведамляецца, што пасля удараў па нафтавай інфраструктуры і лагістычных ланцугах у рэгіёне ўзнік дэфіцыт бензіна і дызельнага паліва. У сацыяльных сетках распаўсюджваюцца відэа з пустымі аўтазапраўкамі і чэргамі аўтамабіляў каля тых станцый, дзе яшчэ захоўваюцца запасы паліва.

Мясцовая акупацыйная адміністрацыя ўводзіць абмежаванні на продаж паліва — у прыватнасці, ліміты на адпуск у адны рукі. Гэта, як адзначаюць відавочцы, стварае дадатковыя складанасці для жыхароў і патэнцыйных турыстаў, якія плануюць паездкі на паўвостраў на асабістым транспарце.

У апублікаваных у сеціве відэароліках карыстальнікі выказваюць сумневы адносна таго, як будзе забяспечвацца палівам транспарт турыстаў ва ўмовах дэфіцыту. У адным з такіх відэа, знятым у Судаку, аўтар на фоне пустой запраўкі іранічна адзначае няпэўнасць з запраўкай аўтамабіляў для вяртання з адпачынку.

«На чым вы будзеце з'язджаць, мы не ведаем», — кажа аўтар відэа.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]