Фальшывы «маральны эквівалент»
7- Гары Каспараў
- 26.05.2026, 10:07
- 8,502
Украіна мае поўнае права пераносіць вайну на тэрыторыю ворага ўсімі даступнымі сродкамі.
Вой «экспертаў», якія кінуліся каментаваць і асуджаць удар па Старабельску, выклікае недаўменне. Ідзе пяты год вялікай вайны, Украіна адбіваецца з усіх сіл. У гэтым кантэксце любыя спрэчкі пра тое, хто менавіта знаходзіўся на аб’екце, і ці памылілася разведка, цалкам пазбаўленыя сэнсу.
Успомніце 1944–1945 гады, калі вынік Другой сусветнай ужо быў прадвызначаны. Ні ў аднаго разумнага гісторыка ніколі не ўзнікала пытанняў, чаму саюзнікі бомбілі Германію або Японію. Бо так заўсёды бывае: вы бомбіце Кавентры — у адказ атрымліваеце Дрэздэн. Вы пачынаеце з Пэрл-Харбара — усё заканчваецца Хірасімай. Украіна мае поўнае права пераносіць вайну на тэрыторыю ворага ўсімі даступнымі сродкамі.
Пара спыніць шукаць фальшывы «маральны эквівалент» там, дзе яго няма і быць не можа. Расія свядома, сістэмна і мэтава знішчае ўкраінскія гарады, у тым ліку цяжкай балістыкай. Пуцінскую кліку наагул не хвалюе бяспека ўласнага насельніцтва. Украіна ж робіць усё магчымае, каб мінімізаваць грамадзянскія страты — тыя ж удары па заводах наносяцца ўначы, а не ўдзень, калі там працуюць людзі. Дакладнасць украінскіх удараў амаль не мае аналагаў у гісторыі.
Усё, што ідзе з боку Расіі, — гэта абсалютнае зло. А тое, якімі метадамі ахвяра агрэсіі абараняецца ад яго і ратуе сябе, абмеркаванню не падлягае, таму тэму абгрунтаванасці ўкраінскіх удараў пара закрыць раз і назаўсёды. Украіна вядзе гэтую вайну беспрэцэдэнтна высакародна, улічваючы маштаб гора, прынесенага ёй. Наша адзіная задача — набліжаць перамогу Украіны і поўны разгром агрэсара.
Гары Каспараў, kasparovru.com
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
