Трамп анансаваў размову лідараў Лівана і Ізраіля

Такіх перамоваў не было больш за 40 гадоў.

Прэзідэнт ЗША Дональд Трамп анансаваў у сацсетках размову лідараў Ізраіля і Лівана — не ўдакладняючы, пра каго ідзе гаворка і ў якім фармаце яна можа адбыцца. У Ізраілі кажуць, што прэм’ер-міністр краіны Біньямін Нэтаньягу пагаворыць з прэзідэнтам Лівана Жозэфам Аўнам. У Бейруце пра падобныя планы пакуль нічога не ведаюць, перадае BBC.

«Я спрабую забяспечыць перадышку Ізраілю і Лівану. Іх лідары даўно не размаўлялі адзін з адным, гадоў так 34. Гэта адбудзецца заўтра. Класна!» — напісаў прэзідэнт ЗША Дональд Трамп на сваёй пляцоўцы TruthSocial у сераду, незадоўга да поўначы па Вашынгтоне.

Трамп не стаў удакладняць, хто менавіта, дзе і ў якім фармаце будзе размаўляць. На пачатку тыдня ў Вашынгтоне адбыліся першыя за доўгі час прамыя перамовы паміж Ізраілем і Ліванам. На іх краіны прадстаўлялі іх паслы ў ЗША.

«Такіх перамоваў [паміж Ізраілем і Ліванам] не было больш за 40 гадоў. Яны адбываюцца цяпер, таму што мы вельмі моцныя, і краіны прыходзяць да нас — не толькі Ліван», — сказаў прэм’ер-міністр Ізраіля Біньямін Нэтаньягу пра сустрэчу паслоў у Вашынгтоне.

Член кабінета бяспекі Ізраіля, міністр інавацый, навукі і тэхналогій Гіла Гамліэль заявіла ў эфіры радыё Арміі абароны Ізраіля «Галэй Цахаль», што Нэтаньягу будзе размаўляць з прэзідэнтам Лівана Жозэфам Аўнам, перадае Reuters. Пры гэтым ліванскія чыноўнікі заявілі агенцтву, што не ў курсе падобных планаў.

«Рэжым спынення агню, запытаны Ліванам у Ізраіля, — гэта натуральная адпраўная кропка для прамых перамоваў паміж краінамі», — заявіў Аўн у чацвер, не ўзгадваючы пры гэтым магчымую размову з Нэтаньягу.

Аўн у чацвер таксама звязаўся па тэлефоне з дзяржаўным сакратаром ЗША Маркам Рубіё (ён прысутнічаў пры сустрэчы паслоў Ізраіля і Лівана ў Вашынгтоне). Ліванскае выданне LCBI са спасылкай на крыніцы паведамляе, што падчас размовы Аўн заявіў Рубіё, што не будзе размаўляць з Нэтаньягу. Афіцыйна бакі пра гэта не паведамлялі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]