СМІ: Маджтаба Хаменеі таемна вывезлі ў Маскву

Параненага вярхоўнага лідара Ірана маглі эвакуіраваць на расійскім вайсковым самалёце.

Сын ліквідаванага вярхоўнага лідара Ірана Алі Хаменеі Маджтаба Хаменеі быў таемна вывезены ў Маскву на расійскім вайсковым самалёце і праходзіць лячэнне на тэрыторыі Расіі. Пра гэта паведамляе кувэйцкая газета «Аль-Джарыда» (пераклад — cursorinfo.co.il).

Паводле дадзеных выдання, эвакуацыя праводзілася ў межах сакрэтнай аперацыі пасля таго, як Маджтаба Хаменеі атрымаў раненні. Сцвярджаецца, што пасля вылету з Ірана яго даставілі ў Расію, дзе ён цяпер праходзіць лячэнне. Афіцыйнага пацверджання гэтай інфармацыі з боку Тэгерана або Масквы пакуль не паступала.

На фоне паведамленняў пра лёс іранскага лідара прэзідэнт ЗША Дональд Трамп заявіў у інтэрв'ю амерыканскім тэлеканалам, што паступае інфармацыя пра яго магчымую ліквідацыю. Паводле слоў Трампа, калі Маджтаба Хаменеі ўсё ж жывы, яму варта здацца.

Раней амерыканскі прэзідэнт таксама гаварыў, што новы вярхоўны лідар Ірана мог атрымаць сур'ёзныя раненні падчас удараў па аб'ектах у Тэгеране.

Маджтаба Хаменеі быў абвешчаны вярхоўным лідарам Ірана Саветам экспертаў 8 сакавіка пасля ліквідацыі яго бацькі Алі Хаменеі на пачатку ваеннай аперацыі. З моманту прызначэння ён не з'яўляўся на публіцы і не выступаў з афіцыйнымі заявамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]