19 лiстапада 2026, Чацвер, 20:01
Падтрымайце
сайт
Сім сім,
Хартыя 97!
Рубрыкі

Украінскія «Нептуны» пашкодзілі чыгуначную частку Крымскага моста

24
Украінскія «Нептуны» пашкодзілі чыгуначную частку Крымскага моста
Ілюстрацыйнае фота

Рух цягнікоў спынены.

Берагавыя ракетныя комплексы ВМС ЗС Украіны «Нептун» уначы 19 лістапада нанеслі ракетны ўдар па Крымскім мосце.

Пра гэта паведамляе Telegram-канал Генеральнага штаба ЗСУ.

Як паведамляецца, рух па мосце перакрыты. Чыгуначнае палатно пашкоджана.

«Гэты мост — галоўная сухапутная артэрыя, якой армія РФ забяспечвае свае акупацыйныя групоўкі на поўдні гаручым, боепрыпасамі і тэхнікай. Расія будавала яго як сімвал акупацыі паўвострава і гадамі пераконвала, што ён недасяжны і неўязвімы», — паведаміў Генштаб ЗСУ.

У Генштабе ЗСУ адзначылі, што Керчанская пераправа — гэта толькі адно звяно ланцуга, якім праціўнік падсілкоўвае фронт. Крок за крокам Сілы абароны Украіны зніжаюць магчымасці і астатняй расійскай ваеннай лагістыкі.

Па выніках папярэдніх удараў пацверджана пашкоджанне дарожнага палатна яшчэ трох аўтамабільных мастоў: 15 лістапада — праз раку Сіверскі Данец у раёне Прышыба Луганскай вобласці і праз раку Міус у раёне Таганрога Растоўскай вобласці, 14 лістапада — праз Міусскі ліман у раёне Лакедэмонаўкі ў той жа Растоўскай вобласці.

Кожны выведзены з ладу мост — гэта даўжэйшыя аб'езды, заторы на пераправах і запозненыя калоны з боепрыпасамі і гаручым, якіх чакаюць акупанты на пярэдавой.

Удары па Крымскім мосце

Нагадаем, сёння раніцай, 19 лістапада, Генштаб ЗСУ «павітаў» лісабонскі мост Васка да Гама са званнем самага доўгага ў Еўропе. Так вайскоўцы намякнулі на начную атаку на Крымскі мост, які раней меў гэтае званне.

Упершыню на гэтым тыдні Украіна паразіла Крымскі мост 16 лістапада.

Тады акупацыйная адміністрацыя перакрыла аўтамабільны рух, а на пад'ездах да пераправы ўтварыліся шматкіламетровыя заторы.

У ноч на 17 лістапада Крымскі мост зноў пацярпеў ад атакі. У раёне пераправы праз Керчанскі праліў прагрымела серыя магутных выбухаў, пасля чаго акупацыйныя ўлады абвясцілі пра спыненне руху транспарту.

Пазней стала вядома, што мост часткова разбурыўся, у ваду зваліліся арка моста і аўтамабільны пралёт.

Напісаць каментар 24

Таксама сачыце за акаўнтамі Charter97.org у сацыяльных сетках

▲