19 лiстапада 2026, Чацвер, 19:27
Падтрымайце
сайт
Сім сім,
Хартыя 97!
Рубрыкі

На саміце АТЭС для выхаду Пуціна замест гімна РФ уключылі «Трэпак»

32
На саміце АТЭС для выхаду Пуціна замест гімна РФ уключылі «Трэпак»
Ілюстрацыйнае фота

Гэты народны танец уключае мужчынскія прысядкі і выкіданне ног наперад.

На форуме АТЭС у кітайскім Шэньчжэні падчас выхаду Уладзіміра Пуціна на ўрачыстым прыёме замест расійскага гімна загучала музыка рускага танца «Трэпак» з балета Пятра Чайкоўскага «Шчаўкунчык».

Як заўважылі «Важныя гісторыі», Дональда Трампа аркестр саміту сустрэў гімнам ЗША.

З'яўленне Пуціна пры гэтым вырашылі суправадзіць мелодыяй народнага танца, які ў звыклай традыцыі ўключае мужчынскія прысядкі і выкіданне ног наперад.

Падчас цырымоніі фатаграфавання гаспадар мерапрыемства Сі Цзіньпін не дазволіў Пуціну стаць побач з сабой, указаўшы на месца побач са сваёй жонкай. Побач з ёй Пуцін апынуўся і падчас урачыстай вячэры.

З-за гэтага Пуцін не змог, як планавалася, пагаварыць з Трампам, расказаў памочнік дыктатара РФ Юрый Ушакоў. «Сядзелі яны не побач за сталом, таму за сталом пагаварыць адзін з адным не ўдалося», — расказаў Ушакоў.

Па яго словах, Пуціну ўдалося пагутарыць з «інданезійскім лідарам» і яшчэ з некалькімі людзьмі, назваць якіх Ушакоў не змог. Двухбаковая сустрэча Пуціна і Трампа плануецца ў чацвер пасля пленарнага пасяджэння саміту АТЭС, паведаміў Ушакоў. «Спадзяёмся, што яна будзе карыснай і змястоўнай», — сказаў ён.

Трохбаковая сустрэча Пуціна, Трампа і Сі працягнецца «не больш за гадзіну», паведаміў прэс-сакратар Крамля Дзмітрый Пяскоў. «Яна сама па сабе важная. Тры лідары найважнейшых дзяржаў свету збіраюцца разам, падаюць прыклад зносін пры абмеркаванні самых складаных пытанняў», — сказаў ён.

Напісаць каментар 32

Таксама сачыце за акаўнтамі Charter97.org у сацыяльных сетках

▲