Беларусы распавялі, чаму не хочуць здаваць кватэры расіянам
1- 19.11.2026, 18:40
Справа не толькі ў дакументах.
Украінка, якая ўжо два гады жыве ў Мінску, спытала ў сацыяльнай сетцы Threads, чаму беларусы не хочуць здаваць кватэры замежнікам. Іншыя ўкраінцы адказалі ёй, што ў іх не было праблем з арэндай жылля ў Беларусі. Шмат беларусаў адзначылі, што не хацелі б здаваць кватэры грамадзянам толькі адной краіны.
«Людзі, растлумачце, чаму ніхто не хоча здаваць кватэру замежніку? — піша аўтарка допісу. — Колькі гляджу аб’явы — усё крута, класна, але «не здаём замежнікам»! Я сама з Украіны, жыву тут чатыры гады, змяніла дзве кватэры. Але знайсці іх было надзвычай цяжка».
Чаму расіянам не хочуць здаваць кватэры?
Беларусы ў каментарыях пералічылі праблемы, якія ўзнікаюць пры здачы жылля замежнікам, заўважыў сайт Charter97.org. Таксама многія адзначылі, што не хацелі б здаваць кватэры грамадзянам РФ:
— Украінцам — без праблем, расіянам — не. Прычыны, думаю, зразумелыя.
— Пачытайце ў Threads, як сябе паводзяць расіяне і што яны пакідаюць пасля сябе, асабліва ў кватэрах, знятых на суткі.
— Кватэру шкада, асабліва калі замежнікі з РФ.
— Заўсёды ўзнікаюць праблемы з дакументамі, шмат часу ідзе на розныя афармленні. Калі нешта здарыцца, вы можаце проста з’ехаць, і ніхто вас не знойдзе. Потым праз суд скасоўваць дамову. Што, калі ў кватэры няспраўнасці, а вы ўжо з’ехалі? Ёсць чарга з беларусаў, навошта рызыкаваць і мець лішнія праблемы? Прабачце, але рэаліі такія.
— Я з Украіны. Жыву ў Мінску трэці год, не было праблем з арэндай. За ўвесь час адзін раз прыходзілі правяраць з міграцыйнай службы.
— Напэўна, таму што абавязаныя паведамляць пра рэзідэнтаў іншай краіны і такія людзі знаходзяцца пад павышанай увагай.