Пуцін сеў ля разбітага карыта
21- Тэлеграм-канал «СерпомПо»
- 15.11.2026, 7:00
- 13,826
Найлепшая мадэль для крэмлёўскіх — старая з «Казкі пра рыбака і рыбку».
Цяжка каментаваць інфармацыю, якую не можаш пацвердзіць, але ўсё ж яна дастаткова верагодная, калі мець на ўвазе неаднаразова публічна выявленыя настроі крэмлёўскіх абітальнікаў.
Такім чынам, паведамляецца, што пуцінцы ў Абу-Дабі неафіцыйна запатрабавалі ад Еўрасаюза: выхаду Фінляндыі з НАТА, адмову альянсу ад ваенных баз у Латвіі, Літве і Эстоніі, перафарматавання Малдовы ў «федэрацыю» з малдаўскіх зямель, Гагаузіі і Прыднястроўя (пры гэтым, у выпадку ўступлення краіны ў ЕС Прыднястроўе і Гагаузія павінны атрымаць магчымасць правесці рэферэндумы аб незалежнасці).
Ад Украіны пуцінцы патрабуюць аддаць падкантрольную частку Данецкай і Луганскай абласцей, адмовіцца ад уступлення ў НАТА, «дэмілітарызаваць» парты ў Мікалаеве і Адэсе, а таксама заключыць асобныя дамоўленасці адносна свабоды судаходства ў Чорным і Балтыйскім морах.
Пры гэтым, гэта яшчэ не ўсё. Спіс адкрыты. Складаецца ўражанне, што крэмлёўскія ўжо пяты год сядзяць у Кіеве і дыктуюць умовы, як пераможцы.
Што ж у адказ? Прапанавана прыбраць ядзерную зброю з Беларусі, адмовіцца ад размяшчэння там жа расійскіх ракет сярэдняй дальнасці, вывесці падраздзяленні расійскай арміі з Прыднястроўя.
Найлепшая мадэль для крэмлёўскіх — старая з «Казкі пра рыбака і рыбку». Прычым на стадыі разбітага карыта. Вазьміце, крэмлёўскія, сякеру і калупайце трэшчыну далей. Не быць вам «уладарыцай марскою», ніколі не быць.
Тэлеграм-канал «СерпомПо»