У Мінску прыдумалі, як змагацца з нашэсцем варон і гракоў

Пачнуць са смеццевых бакаў.

У Мінску становіцца ўсё больш варон і гракоў, якія шумяць у дварах і раскідваюць смецце. Каб птушкі не маглі карміцца харчовымі адходамі, у горадзе плануюць замяніць адкрытыя смеццевыя бакі на кантэйнеры з вечкамі, што шчыльна зачыняюцца, паведамілі у Мінскім гарадскім камітэце прыродных рэсурсаў і аховы навакольнага асяроддзя.

Спецыялісты тлумачаць павелічэнне колькасці вранавых птушак некалькімі прычынамі. У горадзе ім прасцей знайсці ежу, клімат тут мякчэйшы, а натуральных ворагаў практычна няма. Калі раней вароны пераважна прыляталі ў гарады на зімаўку, то цяпер усё часцей застаюцца на сталае жыхарства і ўладкоўваюць гнёзды ў дварах і скверах.

Рэгуляваць колькасць птушак у Беларусі дазволена, але з выкананнем пэўных правілаў. Напрыклад, можна выкарыстоўваць гукавыя і святлавыя адпужвальнікі, а таксама разбураць гнёзды, але толькі ў вызначаны перыяд — з 15 жніўня па 15 лютага.

Яшчэ адзін спосаб — адлоў або адстрэл птушак. Аднак займацца гэтым могуць толькі спецыялізаваныя арганізацыі пры наяўнасці дазволу Міністэрства прыродных рэсурсаў і аховы навакольнага асяроддзя.

Калі вароны або гракі ствараюць нязручнасці, мінчанам рэкамендуюць звяртацца ў адміністрацыю свайго раёна. Спецыяльная камісія абследуе тэрыторыю і вырашыць, ці трэба рэгуляваць колькасць птушак, якім спосабам і ў якія тэрміны.

Пры гэтым самастойна разбураць гнёзды, забіраць яйкі або птушанят, адлоўліваць і адстрэльваць птушак забаронена. Нельга таксама выкарыстоўваць ядахімікаты. За такія дзеянні прадугледжаная адказнасць.

Праўда, адным адпужваннем праблему не вырашыць: пакуль птушкі маюць свабодны доступ да харчовых адходаў, яны будуць працягваць пасяляцца побач з людзьмі. Таму ў Мінску плануецца мадэрнізацыя пляцовак для смецця — адкрытыя кантэйнеры паступова плануюць замяніць на тыя, што зачыняюцца. Гэта прадугледжана гарадской схемай абыходжання з камунальнымі адходамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]