Расіяне забілі тры пакаленні ўкраінскай сям'і ракетным ударам у Прылуках

Загінулі бабуля, яе дачка і аднагадовы ўнук.

У выніку ракетнага ўдару РФ па шматпавярховым доме ў Прылуках Чарнігаўскай вобласці 7 кастрычніка загінула ўся сям'я — 58‑гадовая Вікторыя Бандарэнка, яе 37‑гадовая дачка Кацярына Анціпенка і аднагадовы ўнук Саша. Яшчэ адна ўнучка — Вольга — выжыла.

Пра гэта паведамляе «Суспільне».

Сям'я жыла на пятым паверсе дома, у які трапіла расійская ракета. Пра гібель «Суспільнаму» распавяла кума загінулай Вікторыі Бандарэнкі.

Па яе словах, 58‑гадовая Вікторыя дома даглядала малодшага ўнука Аляксандра, якому быў адзін год і дзевяць месяцаў. Дачка Вікторыі — 37‑гадовая Кацярына — працавала на тытунёвай фабрыцы, каб пракарміць сям'ю.

«Муж Кацярыны ўжо даўно працуе за мяжой. Ён ужо едзе дадому», — кажа жанчына.

Паводле слоў Ларысы Галіч, пра тое, што з-пад завалаў выратавальнікі дасталі целы Кацярыны і яе сына Аляксандра, ёй паведамілі каля 12:00. Старэйшая дачка Вольга выжыла.

«Яна была ў тым пакоі, што выходзіць у двор. Яе забралі сваякі», — расказала яна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]