Трампа спыталі, ці лічыць ён Пуціна «гуманістам»
18- 22.10.2026, 10:30
Словы Ўіткафа выклікалі вялікі рэзананс у палітычных колах ЗША.
Спецыяльны прадстаўнік прэзідэнта ЗША Стывен Уіткаф назваў расійскага лідара Уладзіміра Пуціна «гуманістам», падзякаваўшы за вызваленне асуджанага ў РФ за «наёмніцтва» амерыканца Стывена Хаббарда. Такая характарыстыка кіраўніка Крамля выклікала дыскусіі ў амерыканскім істэблішменце. Словы Ўіткафа пракаментаваў у тым ліку прэзідэнт ЗША Дональд Трамп.
«Вы вельмі часта кажаце, што мой прэзідэнт, прэзідэнт Трамп, з’яўляецца гуманістам. Я хацеў бы сказаць, што вы такі ж чалавек, які міласціва разгледзелі гэтае пытанне (аб вызваленні Хаббарда — Заўв. рэд.). За гэта я вам дзякую», — заявіў Стывен Уіткаф на сустрэчы з Уладзімірам Пуціным 21 кастрычніка ў Санкт-Пецярбургу.
Пазней у той жа дзень у прэзідэнта ЗША спыталі, ці мог бы ён апісаць Пуціна тым самым словам.
«Ну, я думаю, трэба сказаць, што гэта неабходна менавіта для гэтай мэты, каб выпусціць на волю чалавека, які думаў, што правядзе ў турме ўсё жыццё. Але я б нічога не сказаў ні ў той, ні ў іншы бок», — сказаў Дональд Трамп.
За Ўіткафа заступіўся і віцэ-прэзідэнт ЗША Джэй Дзі Вэнс.
«Я згодны з тым, што Стыў Уіткаф сказаў нешта добрае пра чалавека, які толькі што вызваліў амерыканскага закладніка. Незалежна ад таго, ці згодныя вы з самой гэтай ацэнкай ці не, Стыў Уіткаф — дыпламат. Яго праца — ехаць туды і дасягаць выніку. Я куды менш непакоюся пра тое, што Стыў сказаў, чым пра тое, што ён вярнуў амерыканскага закладніка дадому, да ягонай сям’і. Нам варта гэта адзначыць, а не скардзіцца на тое, што ён сказаў, каб гэтага дасягнуць», — сказаў Джэй Дзі Вэнс.
Тым часам некаторыя рэспубліканцы раскрытыкавалі Уіткафа за такую характарыстыку прэзідэнта Расіі, піша («Зеркало»: Трампа спыталі, ці лічыць ён Пуціна «гуманістам»).
«Якого д’ябла, Стыў? Паглядзіце вызначэнне слова «гуманіст». Якая сорамная і абуральная заява. Вам варта вярнуцца ва Украіну і спытаць сем’і дзяцей, якіх Пуцін выкраў і забіў, ці згодныя яны з тым, што ваш сябра Пуцін — «гуманіст», — напісаў у сацсетцы X сенатар-рэспубліканец ад Паўночнай Караліны Том Тыліс.
«Чарговы сорам», — напісаў у X рэспубліканец Дон Бэкан з Небраскі, прымацаваўшы да паста відэа з каментарыямі Уіткафа.
«Не. Пуцін — халоднакроўны забойца», — напісаў у X сенатар-рэспубліканец Джон Корнін з Тэхаса.
«Уладзімір Пуцін — не наш сябар і дакладна не гуманіст, — напісала ў X сенатар-рэспубліканка Джоні Эрнст з Айовы. — Яго бясконцыя напады на безвінных мірных жыхароў ва Украіне дэманструюць яго поўную пагарду да чалавечага жыцця. Замірэнне не пакладзе канца гэтай вайне. Ціск пакладзе канец».
«Мы не павінны хваліць расіян за вызваленне чалавека, які не павінен быў сядзець у турме, — адзначыў у каментары для VBS News былы пасол ЗША ва Украіне Уільям Тэйлар, які працаваў пры адміністрацыях Буша і Абамы. — А называць Пуціна гуманістам — гэта проста агідна».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
