Уіткоф прывёз Пуціну спецыяльныя дакументы
3- 21.10.2026, 14:05
Пасланец Трампа заявіў пра перадумовы для спынення агню ва Украіне
На сустрэчы з расійскім дыктатарам Уладзімірам Пуціным амерыканскі пасланец Стыў Уіткоф заявіў пра магчымасць дамагчыся спынення агню.
Пра гэта паведамляе РБК-Украіна.
Як стала вядома, ён прывёз у Пецярбург дакументы, у якіх выкладзены ўмовы спынення агню ва Украіне.
«Мы прывезлі некаторыя дакументы, дзе выкладаюцца пэўныя падыходы да мірнага ўрэгулявання канфлікту ва Украіне, я папрасіў бы вас разгледзець гэтыя дакументы. Таксама я хацеў бы пазней падключыць па тэлефоне Кушнера», — дадаў ён.
Па яго словах, ёсць перадумовы спынення агню ва Украіне. Таксама Уіткоф павінен праінфармаваць кіраўніка Крамля пра вынікі сустрэчы ў Осла.
«Спадзяюся, вы разгледзіце магчымасць аднаўлення трохбаковых перамоваў з удзелам ЗША, Украіны і Расіі. Гэта маглі б быць прадстаўнікі тэхнічных груп. Нават калі сёння рашэнне па гэтым пытанні прынята не будзе, было б добра яго абмеркаваць», — сказаў ён Пуціну.
Нагадаем, Стыў Уіткоф 21 кастрычніка прыбыў у Санкт-Пецярбург.
Паводле даных расійскіх медыя, яго самалёт прызямліўся раніцай у аэрапорце Пулкава, дзе яго сустрэў прадстаўнік Пуціна Кірыл Дзмітрыеў. Амерыканскі бок пакуль не каментаваў прыезд.
Уіткоф і Дзмітрыеў прыбылі ў Канстанцінаўскі палац для перамоваў. Памочнік Пуціна Юрый Ушакоў паведаміў, што галоўнай тэмай будзе вайна супраць Украіны. Джарэд Кушнер у Расію не прыехаў з-за хваробы, але, верагодна, далучыцца да размовы анлайн.
Напярэдадні ў Осла прэзідэнт Украіны Уладзімір Зяленскі сустрэўся з перамоўцамі Трампа.
Прэзідэнт Фінляндыі Аляксандар Стуб, які быў удзельнікам размовы, сказаў, што бакі знайшлі элементы мірнага ўрэгулявання, і іх прадставяць у Пецярбургу.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
