Мядзведзі ў Беларусі могуць не заснуць і стаць шатунамі
- 19.10.2026, 18:55
Нават сярод студзеня ў лесе ёсць шанец сустрэць няспячага звера.
У Беларусі мядзведзі звычайна залягаюць у спячку бліжэй да зімы, але могуць і ў кастрычніку. Аднак нават сярод студзеня ў лесе ёсць шанец сустрэць няспячага звера. Чаму адны мядзведзі спакойна спяць падчас адлігі, а іншыя пакідаюць бярлогі? Ці заўсёды мядзведзь, што прачнуўся, становіцца небяспечным шатунам?
«Смартпрэс» разабраўся, што насамрэч вызначае працягласць зімовага сну і як сябе паводзіць пры нечаканай сустрэчы з мядзведзем.
Калі мядзведзі ў Беларусі залягаюць у спячку?
Бурыя мядзведзі могуць залегчы ў спячку ўжо ў канцы кастрычніка, хоць у Беларусі часцей сыходзяць у бярлогі ў лістападзе–снежні. Тэрміны залежаць ад надвор'я, даступнасці ежы і назапашаных тлушчавых запасаў.
Дакладнага дня адыходу да сну няма. Цяжарныя мядзведзіцы, як правіла, залягаюць раней за самцоў і пакідаюць бярлогі пазней. Да зімоўкі звяры рыхтуюцца загадзя: актыўна харчуюцца, назапашваюць тлушч, выбіраюць сховішча.
Напрыклад, зімой 2025–2026 гадоў мядзведзі Бярэзінскага запаведніка адправіліся спаць на пачатку снежня. Як паведамілі спецыялісты запаведніка ў лютым 2026 года, звяры добра ад'еліся і не спяшаліся прачынацца нават да пачатку каляндарнай вясны. Першыя сляды мядзведзя, што выйшаў з бярлогі, супрацоўнікі выявілі 12 сакавіка.
Прачынаюцца бурыя мядзведзі звычайна ў сакавіку, часам у красавіку. Першымі з бярлог выходзяць дарослыя самцы.
Што важней для пачатку зімовай спячкі: мароз, снег ці тлушч?
Не існуе аднаго сігналу, які прымушае мядзведзя заснуць. Значэнне маюць:
даступнасць ежы,
тэмпература,
снег,
унутраныя фізіялагічныя змены.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
