Большасць амерыканцаў лічаць, што Трамп нажываецца на прэзідэнцтве
2- 14.10.2026, 17:08
- 1,684
Неўдаволенасць прэзідэнтам ЗША можа ўдарыць па рэспубліканцах.
Большасць жыхароў ЗША лічаць, што прэзідэнт ЗША Дональд Трамп выкарыстоўвае прэзідэнцкую пасаду для асабістага ўзбагачэння, прычым многія падазраюць яго ў незаконных дзеяннях, піша часопіс TIME (пераклад — сайт Charter97.org).
Паводле дадзеных даследавання, праведзенага 24–28 верасня сярод 2140 дарослых амерыканцаў, 40% рэспандэнтаў лічаць, што прэзідэнт зрабіў нешта незаконнае дзеля нажывы. Яшчэ 18% перакананыя, што яго дзеянні не парушаюць закон, але з’яўляюцца неэтычнымі.
Пры гэтым 56% апытаных заявілі, што Трамп у значнай ступені ставіць асабістыя дзелавыя інтарэсы вышэй за дзяржаўныя. Толькі 23% лічаць, што ён аддае прыярытэт інтарэсам краіны.
Маштабы бізнесу прэзідэнта ўзмацняюць пытанні пра канфлікт інтарэсаў. Паводле фінансавай дэкларацыі, за 2025 год сукупныя даходы Трампа склалі $2,2 млрд. Значная частка гэтай сумы, каля $1,4 млрд, звязаная з крыптавалютнымі праектамі яго сям’і.
«Гэта структурны канфлікт інтарэсаў: ён вызначае палітыку, якая наўпрост прыносіць выгаду яго сям’і», — заявіў TIME прафесар Масачусэцкага ўніверсітэта ў Амхерсце Рэйманд Ла Раджа.
Неўдаволенасць узмацняецца на фоне эканамічных праблем. Толькі 28% удзельнікаў іншага апытання адабрылі дзеянні Трампа ў сферы занятасці і эканомікі. Павышэнне цэн і падаражэнне паліва, у тым ліку на фоне вайны з Іранам і амерыканскіх пошлін, становяцца дадатковай крыніцай раздражнення выбаршчыкаў.
На думку палітолагаў, неўдаволенасць прэзідэнтам можа ўдарыць і па рэспубліканцах, якія разлічваюць захаваць большасць у абедзвюх палатах Кангрэса.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
