Лукашэнка выдаў вар’яцкую версію правакацыі на мяжы з Латвіяй
- 13.10.2026, 12:41
- 2,490
Рыга, паводле слоў дыктатара, «зладзіла правакацыю супраць сябе».
Дыктатар Аляксандр Лукашэнка заявіў, што інцыдэнт на беларуска-латвійскай мяжы нібыта інсцэнавалі самі латвійскія службы. Паводле яго версіі, за гэтым, як і за публікацыямі пра магчымыя акты агрэсіі з боку РФ, у тым ліку з тэрыторыі Беларусі, стаіць жаданне суседзяў выбіць фінансаванне на ваенныя патрэбы.
«Мы цудоўна ведаем, мне ўжо даклалі, што ўсё гэта было зроблена самімі латышамі як інфармацыйная нагода, каб атрымаць грошы ад Еўрапейскага саюза. Мы да гэтага не маем ніякага дачынення, што мы там праніклі на іх тэрыторыю — людзі ў масках, вайскоўцы — кагосьці схапілі, захапілі або запхнулі туды нейкую групу мігрантаў. Большай дурноты не прыдумаеш», — заявіў дыктатар на нарадзе па выніках праверкі баявой гатоўнасці 7-й асобнай спецыяльнай міліцэйскай брыгады ўнутраных войскаў МУС, піша яго прэс-служба.
Нагадаем, раней Латвія паведаміла пра правакацыю на мяжы з Беларуссю. Спачатку людзі ў чорным, з тварамі, схаванымі пад маскамі, меркавана ўзброеныя, выталквалі на латвійскі бок замежнікаў. Пазней тыя ж людзі перасеклі мяжу і выкралі камеры назірання, пасля чаго вярнуліся на тэрыторыю Беларусі. Праз некалькі дзён у сеціве з’явіўся ролік ад імя нейкай арганізацыі «Чорныя Русы», якая ўзяла на сябе адказнасць за тое, што адбылося.
Такім чынам, Лукашэнка прапануе паверыць, што Латвія сама выталквала мігрантаў на сваю тэрыторыю, сама крала ўласныя камеры і сама зняла відэа з «адказнасцю» — і ўсё гэта дзеля грошай ЕС. Пры гэтым узброеныя людзі ў масках перасякалі мяжу з боку Беларусі, а ролік з боку Мінска ніяк не выглядае чыёйсьці выпадковай самадзейнасцю.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
