Кая Каллас прапанавала новыя санкцыі супраць РФ

Так кіраўніца еўрапейскай дыпламатыі адрэагавала на «выбары» ў Дзяржаўную думу РФ.

Вярхоўная прадстаўніца ЕС па замежных справах і палітыцы бяспекі Кая Каллас прапануе ўвесці санкцыі супраць асоб, якія садзейнічалі правядзенню выбараў у Дзяржаўную думу РФ на акупаваных тэрыторыях Украіны.

«Так званыя выбары ў Дзяржаўную думу сталі чарговым сур’ёзным ударам па расійскай дэмакратыі. Іх вынік ніколі не выклікаў сумненняў», – напісала Каллас у сацыяльнай сетцы X.

«Крэмль падавіў іншадумства, не дапусціў да выбараў адзіную зарэгістраваную партыю, што выступала супраць ягонай вайны ва Украіне, і не дапусціў да выбараў міжнародных назіральнікаў. Ад дэмакратычных працэдур у Расіі засталася толькі бачнасць. Я прапанавала меры супраць тых, хто садзейнічае правядзенню гэтых фіктыўных выбараў на акупаваных украінскіх тэрыторыях», – заключыла яна.

«Адзіная Расія» атрымала канстытуцыйную большасць у ніжняй палаце расійскага парламента. Паводле звестак Цэнтрвыбаркама, партыя ўлады можа разлічваць на 355 месцаў у Дзяржаўнай думе — гэта самая шматлікая фракцыя ў гісторыі «Адзінай Расіі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]