На рынку нерухомасці з’явіліся змены

Цэны на жыллё могуць вырасці.

У некаторых банкаў з’явіліся змены па крэдытах на нерухомасць. «Зеркало» распавядае падрабязнасці.

З 1 кастрычніка «Белаграпрамбанк» знізіць працэнтныя стаўкі па ўжо атрыманых крэдытах на жыллё. Але гэта закране не ўсе крэдыты.

«Зніжэнне закране крэдытныя дамовы, дзейныя па стане на 1 кастрычніка 2026 года, па якіх працэнтная стаўка перавышае 15,5% гадавых, — паведамляе фінансавая ўстанова. — Калі стаўка ўстаноўлена без прывязкі да стаўкі рэфінансавання, яна знізіцца да 15,5% гадавых. Калі стаўка прывязаная да стаўкі рэфінансавання Нацбанка, яна будзе разлічвацца па формуле „стаўка рэфінансавання + 6,25 працэнтнага пункта“».

У «Белаграпрамбанку» удакладнілі, што пачнуць прымяняць новыя стаўкі з 1 кастрычніка. «Зніжэнне адлюструецца ўжо ў суме працэнтаў, налічаных за кастрычнік. Памер эканоміі будзе залежаць ад ранейшай стаўкі па дамове і памеру астатку запазычанасці, — паведамляе фінансавая ўстанова. — Стаўкі знізяцца аўтаматычна — ніякіх дзеянняў ад кліентаў не патрабуецца. Звяртацца ў банк, падаваць заяву або падпісваць дадатковае пагадненне не трэба».

Эксперты рынку нерухомасці wikidom.by так ацанілі гэта новаўвядзенне:

«Гэта добрая навіна перш за ўсё для людзей, якія ўжо маюць крэдыт на будаўніцтва або куплю жылля і цяпер плацяць па стаўцы вышэй за 15,5%. Галоўны плюс відавочны: паменшыцца працэнтная нагрузка і, адпаведна, плацяжы па крэдыце. Чым большы астатак запазычанасці і чым вышэй была папярэдняя стаўка, тым заўважней можа быць эфект. Напрыклад, калі астатак доўгу складае 100 000 рублёў, то розніца паміж стаўкай 18% і 15,5% складае 2500 рублёў у год у разліку на першапачатковы астатак доўгу. Фактычная эканомія будзе залежаць ад графіка пагашэння, тэрміну крэдыту і таго, як хутка памяншаецца асноўны доўг».

На думку аналітыкаў, «калі падобная тэндэнцыя працягнецца і іншыя банкі таксама будуць пераглядаць умовы, крэдытны попыт на жыллё можа атрымаць дадатковую падтрымку».

«Але чакаць імгненнага скачка цэн толькі з-за гэтага рашэння не варта. На кошт кватэр адначасова ўплываюць прапанова, даходы пакупнікоў, аб’ёмы будаўніцтва, цэны ў забудоўшчыкаў і ўмовы іншых банкаў», — лічаць аналітыкі.

«Тэхнабанк» з 18 верасня знізіў працэнты па крэдытах на нерухомасць «Милый дом», «Я построю Милый дом». Цяпер стаўка складае 14,5% гадавых (было — 14,9%).

«Тэхнабанк» знізіў стаўкі па крэдытах на другаснае жыллё. Даўно ў нас не было такіх «танных» крэдытаў. Так, яны разганяюць цэны», — адзначыла ў сваім тэлеграм-канале эксперт па рынку нерухомасці Наталля Літоўская.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]