Новае відэа з Пуціным выклікала пытанні ў расіян

У сеціве абмяркоўваюць кадры з Крамля.

У Расіі 18 верасня стартавалі трохдзённыя выбары ў Дзярждуму. Прагаласаваў і дыктатар Пуцін — кадры апублікавала прэс-служба Крамля. Гэта відэа стала прадметам актыўных абмеркаванняў сярод расіян.

У дэталях разбіраўся dialog.ua.

Пуцін на выбарах прагаласаваў анлайн. І найбольш расіян уразіла тое, як неўпэўнена кіраўнік РФ абыходзіўся з камп'ютарам. Было відавочна, што з гэтым дэвайсам расійскі дыктатар мае справу даволі рэдка.

Таксама каментатары адзначалі відавочна дрэнны зрок у кіраўніка Крамля.

«Дзед тупа нічога не бачыць. Нават на вялізным маніторы. Мружыцца, нахіляецца да экрана, вадзіць старачынымі вачыма. Да якой ступені закомплексаваным трэба быць, каб у 74 гады саромецца надзець акуляры?» — адзначыў блогер «Праф. Пераабражэнскі».

У сеціве таксама звярнулі ўвагу на тое, што ў кіраўніка Крамля аперацыйная сістэма Windows аказалася неліцэнзійнай — у правым ніжнім куце быў выразна бачны адпаведны надпіс.

Адзначылі расіяне і тое, што першыя асобы дзяржавы прагаласавалі «з бункераў» з дапамогай «НАТАўскай» тэхнікі, не адважыўшыся з'явіцца перад уласным народам.

Палітык Андрэй Півавараў адзначыў важны момант: Пуцін перастаў галасаваць вочна пасля пачатку поўнамаштабнай вайны супраць Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]