Мядзведзеў нечакана накінуўся на партыю Марын Ле Пен

Намеснік старшыні Савета бяспекі РФ назваў «Нацыянальнае аб’яднанне» тыповай русафобскай партыяй.

Намеснік старшыні Савета бяспекі Расіі Дзмітрый Мядзведзеў назваў партыю Марын Ле Пен «Нацыянальнае аб’яднанне» «тыповай еўрапейскай партыяй». Паводле яго слоў, яна таксама падтрымлівае русафобію і дапамагае кіраўніцтву Украіны.

Так Мядзведзеў пракаментаваў крытыку Марын Ле Пен указа дыктатара Расіі аб перадачы пад часовае кіраванне актываў французскага рытэйлера Auchan (брэнд «Ашан»), швейцарскага вытворцы прадуктаў харчавання Nestle і французскай лагістычнай групы FM Logistic. Яна заявіла, што партыя разглядае гэты крок як адно з «варожных дзеянняў» і «гібрыдных аперацый» з боку Масквы.

«Тысячы санкцый супраць расіян у Францыі плюс ракеты для кіеўскіх вырадкаў — ці гэта сяброўскія крокі? Відаць, партыя Ле Пен цяпер стала тыповай еўрапейскай партыяй: русафобія і падтрымка нацыстаў у Кіеве», — паскардзіўся Мядзведзеў у сацсетцы X.

17 верасня Уладзімір Пуцін перадаў расійскія актывы Nestle, FM Logistic, «Лемана Про» і Auchan у часовае кіраванне «Л.Е.В. Менеджменту». У Крамлі адзначалі, што рашэнне пра знешняе кіраванне было прынята, зыходзячы з таго, што актывы належалі кампаніям з нядружалюбнай краіны.

Варта адзначыць, што партыю Марын Ле Пен «Нацыянальнае аб’яднанне» доўгі час называлі прарасійскай з-за даўніх палітычных і фінансавых сувязяў з Масквой, аднак цяпер яе лідары змяняюць рыторыку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]