Сікорскі адказаў Патрушэву на пагрозы знішчыць Польшчу за 2–3 дні

Расійскім «таварышам» варта ўсвядоміць суадносіны сіл.

Польскі міністр замежных спраў Радаслаў Сікорскі адрэагаваў на пагрозы памочніка кіраўніка Крэмля Мікалая Патрушэва знішчыць Польшчу за 2–3 дні.

Заяву кіраўніка польскага знешнепалітычнага ведамства цытуе Polsat News.

Раней Патрушэў у інтэрв'ю штотыднёвіку «Аргументы і факты» заявіў, што «калі Польшча пачне ваенныя дзеянні супраць Расіі, польская дзяржава перастане існаваць цягам двух-трох дзён».

У адказ на выказванні Патрушэва Сікорскі адзначыў, што расійскія генералы «пагражаюць нам ядзернай вайной ужо 20 гадоў», а «прапагандысты Крэмля робяць гэта бесперапынна».

«Савецкім, а цяпер ужо расійскім таварышам варта ўсвядоміць суадносіны сіл. Яны таксама павінны разумець, на што ідуць, калі пагражаюць нам», — сказаў польскі міністр.

Паводле яго слоў, ядзерная зброя — гэта тая сфера, дзе ў Расіі ёсць перавага.

«Але, як яна пераканалася на прыкладзе Украіны, скарыстацца гэтай перавагай складана. Калі б Расія магла вырашыць гэтую вайну з дапамогай ядзернага шантажу, яна б ужо гэта зрабіла», — дадаў Сікорскі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]