Расійскім войскам даручылі спланаваць наступ на Кіеў і Чарнігаў

Украіна гатовая адказаць.

Украінская разведка пацвердзіла, што ваеннае кіраўніцтва РФ атрымала заданне распрацаваць план наступальных аперацый у кірунку Кіева і Чарнігава.

«Мы сапраўды атрымлівалі інфармацыю ад разведвальных службаў, прычым пацверджаную з некалькіх крыніц, пра тое, што ваеннае кіраўніцтва Узброеных Сіл Расійскай Федэрацыі атрымала заданне ад палітычнага кіраўніцтва спланаваць правядзенне падобнай аперацыі ў некалькіх варыянтах у кірунку Кіева і Чарнігава», — паведаміў намеснік кіраўніка Офіса Прэзідэнта, брыгадны генерал Павел Паліса падчас зносін з журналістамі, перадае unian.net.

«Я прашу звярнуць увагу: спланаваць і падрыхтавацца. То-бок, сапраўды, там разглядаліся некалькі варыянтаў. Адпаведна, Генеральным штабам Узброеных Сіл Украіны распрацаваныя магчымыя варыянты адказу, абароны, аховы і супрацьдзеяння гэтым мерам», — адзначыў ён.

Паліса падкрэсліў, што цяпер Украіна не фіксуе фарміравання расійскіх наступальных груповак на гэтых напрамках, таму непасрэднай пагрозы наступу зараз няма.

Паводле яго слоў, Расія толькі прапрацоўвае розныя сцэнары развіцця падзей, у той час як Генштаб ЗСУ ўжо падрыхтаваў варыянты абароны і супрацьдзеяння.

Намеснік кіраўніка ОП паведаміў, што Украіна сканцэнтраваная на тым, каб не дапусціць узнікнення ўмоваў, якія дазволілі б расійскім войскам пачаць наступ.

Гэта не першы выпадак, калі ва ўрадзе гавораць пра тое, што расіяне рыхтуюць новы наступ на Украіну.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]