Пуцін завабіў Трампа ў пастку

Прэзідэнт ЗША спрабуе набыць у дыктатара РФ добрыя навіны.

1. Трампу трэба выйграць выбары, а для гэтага патрэбныя добрыя навіны.

2. Пуцін гэта ведае і таму шантажуе Трампа дрэннымі навінамі.

3. Трамп спрабуе набыць у Пуціна добрыя навіны, але Пуцін прадае іх дорага. Такая цана сама па сабе з’яўляецца дрэннай навіной.

4. То бок Пуцін завабіў Трампа ў пастку дрэнных навін: не купіш — дрэнна, купіш дорага — дрэнна, а танна не прадаецца. Варта было б узяць Пуціна за каўнер і моцна стрэсці, бо ў Амерыкі ёсць сіла. Але Пуцін добра гуляе ў покер (гл. мой артыкул пра покер-фэйс Пуціна), а Трамп добра гуляе толькі ў гольф, ды і тое на сваім полі.

5. Дык вось, Пуціну перадалі прывітанне з Вашынгтона, але ён яго не ацаніў. Цяпер яго ход, і ён, з усяго відаць, гатовы падняць стаўкі на еўрапейскім полі. Важна, што ў Еўропы шмат уразлівых месцаў, а гатоўнасці — мала. Тут ужо ўступаюць у сілу правілы кітайскай гульні го: адзін удала размешчаны камень пагражае праціўніку адразу па некалькіх напрамках.

6. У чарговы раз мы бачым, як можна мець самыя моцныя ўзброеныя сілы на планеце і ў той жа час мець стратэгічную слабасць, якая дазваляе Ірану, КНДР і Расіі браць над табой верх. Паралельна ЗША аслабляюць адносіны з саюзнікамі: Еўропай, Канадаю, Паўднёвай Карэяй і г.д.

7. Дыктатуры выйграюць у дэмакратый не таму, што ў дыктатараў няма абмежаванняў на зло, і не таму, што ў дыктатараў няма абмежаванняў у часе. Дэмакратыі прайграюць, таму што яны не ведаюць, чаго хочуць.

8. Вось чаму дэмакратыям патрэбныя структуры, чый цыкл перавышае палітычныя кадэнцыі, — каб не забываць, чаго ты хочаш.

Валерый Пекар, Facebook

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]