Амерыканскі акцёр Шон Пэн стаў на калені перад Зяленскім

Вядомы акцёр з самага пачатку паўнамаштабнага ўварвання РФ падтрымлівае Украіну.

Амерыканскі акцёр Шон Пэн падчас канцэрта з нагоды ўручэння прэміі «Нацыянальная легенда Украіны» падышоў да прэзідэнта Украіны Уладзіміра Зяленскага, каб асабіста з ім пагутарыць. Відэа апублікаваў у Instagram украінскі прадзюсар Сяргей Перман.

Каб не перашкаджаць гледачам, Пэн стаў перад Зяленскім на калені, а прэзідэнт Украіны сеў на кукішкі побач з Пэнам. Падчас размовы яны трымалі адзін аднаго за рукі, а Пэн нешта эмацыйна распавядаў Зяленскаму.

«Гэта так кранальна», — падпісаў ролік Перман.

У гэты дзень Пэн, які з самага пачатку паўнамаштабнага ўварвання РФ падтрымлівае Украіну, атрымаў узнагароду з рук Зяленскага і стаў нацыянальнай легендай Украіны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]