Лета будзе змагацца з восенню

Прагноз надвор'я па Беларусі на 24–26 жніўня.

24 жніўня надвор'е ў Беларусі будзе вызначаць прахалодная неўстойлівая паветраная маса. Воблачна з праясненнямі. Уначы месцамі на поўначы, удзень на большай частцы тэрыторыі краіны пройдуць кароткачасовыя дажджы. У асобных раёнах чакаюцца навальніцы, паведамляе Белгідрамет.

Вецер заходні, паўднёва-заходні парывісты. Тэмпература паветра мінімальная ўначы +6..+12°С, на поўначы да +14°С, максімальная ўдзень +17..+23°С. Атмасферны ціск уначы будзе слаба павышацца, удзень істотна не зменіцца.

25 жніўня надвор'е ў краіне і далей будзе вызначаць прахалодная неўстойлівая паветраная маса. Уначы пераменная воблачнасць, удзень воблачна з праясненнямі. Уначы месцамі, удзень на большай частцы тэрыторыі краіны пройдуць кароткачасовыя дажджы. Удзень у асобных раёнах магчымыя навальніцы. Уначы і раніцай месцамі слабы туман. Вецер паўночна-заходні, заходні умераны, удзень месцамі парывісты. Тэмпература паветра мінімальная ўначы +5..+12°С, максімальная ўдзень +16..+23°С.

26 жніўня пагодныя ўмовы ў Беларусі ў асноўным будзе фарміраваць вобласць павышанага атмасфернага ціску, толькі раніцай і ўдзень на паўночным усходзе захаваецца ўплыў неўстойлівай паветранай масы. Пераменная воблачнасць.

Пераважна без ападкаў, толькі раніцай і ўдзень месцамі на паўночным усходзе краіны чакаюцца невялікія кароткачасовыя дажджы, магчымыя навальніцы. Уначы і раніцай у асобных раёнах слабы туман. Вецер паўночнай чвэрці умераны, удзень пры навальніцах парывісты. Тэмпература паветра мінімальная ўначы +5..+10°С, максімальная ўдзень +17..+24°С.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]