Трамп адрэагаваў на заяву Зяленскага пра дапамогу РФ Ірану

Прэзідэнт ЗША мае намер спытаць пра гэта ў Пуціна.

Прэзідэнт ЗША Дональд Трамп заявіў, што плануе высветліць у расійскага дыктатара Уладзіміра Пуціна, ці перадавала Расія Ірану спадарожнікавыя дадзеныя аб амерыканскіх ваенных аб’ектах у рэгіёне Персідскага заліва.

Аб гэтым ён сказаў падчас размовы з журналістамі на борце Air Force One.

Трампа папрасілі пракаментаваць заяву прэзідэнта Украіны Уладзіміра Зяленскага пра расійскую дапамогу Ірану ў падрыхтоўцы ўдараў па базах ЗША ў рэгіёне Персідскага заліва.

«Мы высветлім, ці праўда гэта. Я спытаю пра гэта ў Пуціна. Калі гэта сапраўды так, то гэта не аказала істотнага ўплыву», — сказаў кіраўнік Белага дому.

Ён дадаў, што калі дапамога і была, то «гэта не спрацавала, таму што ў іх (у Ірана. — Рэд.) няма арміі, няма ваенна-паветраных сіл, няма ваенна-марскога флоту, у іх няма нічога».

«Я не думаю, што яны гэта рабілі. Ва ўсякім разе не на высокім узроўні, а калі і рабілі, то гэта не аказала ніякага ўплыву», — заявіў Трамп.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]