Што чакае беларусаў з 1 жніўня

Поўны спіс зменаў.

У жніўні ў Беларусі павялічацца сацыяльныя выплаты, у тым ліку пенсійныя, для большасці абітурыентаў скончыцца прыём дакументаў у ВНУ, а таксама будуць скарэкціраваныя банкаўскія камісіі, піша myfin.by.

Вырасце БПМ

Раз на тры месяцы ў Беларусі ажыццяўляюць пераразлік памеру бюджэту пражытковага мінімуму. Чарговая індэксацыя гэтага паказчыка павінна адбыцца 1 жніўня.

На момант падрыхтоўкі матэрыялу інфармацыі пра тое, на колькі вырасце БПМ, няма. Яго бягучае значэнне, якое дзейнічае з 1 мая, складае 509,62 рубля.

Дапамогі і пенсіі стануць больш

Павелічэнне памеру БПМ прывядзе да росту шэрагу сацыяльных выплат, прывязаных да яго значэння.

Павысяцца некаторыя дзіцячыя дапамогі, таксама стануць большымі мінімальныя працоўныя пенсіі, пенсійныя надбаўкі, сацыяльныя пенсіі і дапамогі па доглядзе за інвалідамі.

Лічбавыя візы для турыстаў у Егіпце

З 1 жніўня беларускія турысты, якія накіроўваюцца ў Егіпет, могуць сутыкнуцца з чарговай навацыяй. Краіна запускае сістэму лічбавых турыстычных віз – спачатку гэта закране толькі аэрапорт Каіра, а пасля і іншыя паветраныя гавані.

Замест папяровых уклейкаў у пашпарт падарожнікі будуць атрымліваць QR-код, які трэба будзе прад'явіць на пашпартным кантролі. Аформіць лічбавую візу можна будзе праз сайт, мабільны дадатак або тэрміналы самаабслугоўвання ў аэрапортах, а аплаціць – толькі безнаяўна.

Завяршэнне прыёму дакументаў у ВНУ

У пачатку месяца ў ВНУ Беларусі будзе завершаны прыём дакументаў абітурыентаў, якія паступаюць на дзённую платную форму навучання (без здачы ўступных выпрабаванняў).

Для большасці спецыяльнасцей тэрмін заканчэння – 1 жніўня, а для сельскагаспадарчых – 2 жніўня. Залічэнне запланавана на 3 жніўня.

Ці будуць змены ад Нацбанка?

Да надыходу жніўня Нацыянальны банк Беларусі прадставіць значэнні разліковых велічынь стандартнай рызыкі (РВСР) на апошні месяц лета.

Пакуль інфармацыя пра абнаўленні адсутнічае. Пры гэтым РВСР наўпрост уплывае на памер працэнтаў па рублёвых крэдытах і ўкладах.

Перыяд тазікаў працягнецца

У жніўні сталічныя камунальнікі працягнуць правяраць стан цеплавых сетак, з-за чаго гарачую ваду ў кватэрах мінчан будуць адключаць у сярэднім на тэрмін да 13 сутак.

Даты і адрасы дамоў у Мінску, дзе запланаваныя адключэнні, можна знайсці тут.

Банкаўскія змены жніўня

Шмат якія беларускія банкі ў жніўні пачнуць спаганяць камісію ў 15% ад сумы за прыём наяўных у расійскіх рублях у касах для папаўнення старых рахункаў фізічных асоб-нерэзідэнтаў.

Напрыклад, Беларусбанк будзе прымяняць яе з 20 жніўня (па рахунках, адкрытых да 17 ліпеня), Белаграпрамбанк – з 17 жніўня (па рахунках, адкрытых да 16 ліпеня), а Сбер Банк – з 15 жніўня (па рахунках, адкрытых да 14 ліпеня).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]