Рэжысёр Андрэй Кудзіненка пакінуў Беларусь

Да яго з вобшукам прыйшлі КДБ і АМАП.

КДБ і АМАП прыйшлі з вобшукам да рэжысёра Андрэя Кудзіненкі. Ён быў вымушаны ўцячы з Беларусі. Пра гэта паведаміў сябар Кудзіненкі, дырэктар фестывалю беларускіх фільмаў Bulbamovie Януш Гаўрылюк.

Паводле слоў Гаўрылюка, беларускія ўлады абвінавацілі Андрэя Кудзіненку ў «экстрэмізме». Падчас вобшукаў у яго кватэры і ў кінашколе ўдзельнічалі восем супрацоўнікаў АМАПа і двое супрацоўнікаў КДБ. Вобшукі цягнуліся 15 гадзін. У Кудзіненкі забралі пашпарт і тэлефон. Усе мэсэнджары і акаўнты Андрэя ў сацыяльных сетках цяпер знаходзяцца пад кантролем КДБ. Рэжысёру сказалі, што яму пагражае ад 8 да 12 гадоў пазбаўлення волі.

Андрэй Кудзіненка вядомы сваімі мастацкімі фільмамі «Акупацыя. Містэрыі» (2004), які, нягледзячы на міжнароднае прызнанне, быў на некалькі гадоў забаронены Міністэрствам культуры, і «Масакра» (2010). Першы распавядае пра жыццё ў акупаванай нацыстамі Заходняй Беларусі. Другі заснаваны на навэле Проспера Мерымэ пра мядзведзя-пярэваратня «Локіс». У другой палове 2000-х ён працаваў у Расіі, у тым ліку ў камандзе Паўла Лунгіна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]