Зяленскі ўзгадніў з Драпатым і Хмарай новыя мэты для ўдараў па РФ

Украінскія дроны ўжо дасягаюць мэтаў у Уральскім рэгіёне і Сібіры.

Прэзідэнт Украіны Уладзімір Зяленскі правёў нараду з ваенным камандаваннем, прысвечаную прымяненню ўкраінскіх дальнабойных сродкаў паражэння. Па яе выніках былі абноўлены прыярытэтныя мэты для ўдараў і ўзгоднены працяг адпаведнай праграмы.

Пра гэта кіраўнік дзяржавы паведаміў у сваім афіцыйным Telegram-канале.

Паводле слоў Зяленскага, рэалізацыя плана дальнабойных удараў працягваецца ў адпаведнасці з вызначанымі прыярытэтамі. Ён адзначыў, што далёкасць паражэння ўжо перавысіла 3 тысячы кіламетраў, а Украіна працягвае нарошчваць магчымасці для нанясення ўдараў на яшчэ большых адлегласцях.

«Наяўнасць стратэгічнай глыбіні тылу, доўгі час якая была расійскай перавагай, цяпер становіцца для палітычнага і ваеннага кіраўніцтва Расіі асаблівай праблемай, бо пераважная доля расійскай ППА сканцэнтраваная вакол Масквы, дзяржаўных рэзідэнцый, Крымскага моста і Пецярбурга», — заявіў прэзідэнт.

Зяленскі дадаў, што ўкраінскія беспілотнікі ўжо здольныя дасягаць мэтаў у Уральскім рэгіёне, Сібіры і іншых аддаленых ад Масквы рэгіёнах Расіі.

Паводле ягоных дадзеных, з пачатку рэалізацыі праграмы дальнабойных удараў сёлета ўкраінскія сілы выканалі больш за тысячу агнявых задач. Сярод паражаных мэтаў — нафтавыя аб’екты, прадпрыемствы ваеннай прамысловасці і ключавыя элементы расійскай лагістычнай інфраструктуры.

Па выніках нарады быў абноўлены пералік прыярытэтных мэтаў. Як падкрэсліў прэзідэнт, галоўным крытэрыем застаецца рэальны ўплыў на здольнасць Расіі працягваць вайну.

«Галоўная мэта — каб наш дальнабойны ціск яшчэ больш падштурхоўваў Расію да дыпламатыі праз ускладненне вытворчасці кампанентаў для зброі, нафтавыя і іншыя эканамічныя страты і вяртанне гэтай вайны ў родную гавань», — адзначыў Зяленскі.

Кіраўнік дзяржавы таксама заявіў, што Украіна ўжо перадала расійскаму кіраўніцтву ўсе неабходныя прапановы па завяршэнні вайны на ўмовах «годнага міру».

«Усе партнёры ведаюць, што трэба. Наша дакладнасць эфектыўна працуе на стварэнне ўмоў для рэальнай дыпламатыі», — падкрэсліў прэзідэнт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]