Макрон узнагародзіў Стармера вышэйшай узнагародай Францыі за падтрымку Украіны

Французскі прэзідэнт падзякаваў брытанскаму палітыку за лідарства ў перыяд вайны.

Пасля абвяшчэння пра адстаўку з пасадаў прэм’ер-міністра Вялікабрытаніі і лідэра Лейбарысцкай партыі Кіра Стармера, прэзідэнт Францыі Эманюэль Макрон узнагародзіў прэм’ер-міністра Вялікабрытаніі Кіра Стармера Ордэнам Ганаровага легіёна за яго ўклад ва ўмацаванне еўрапейскай бяспекі пасля пачатку поўнамаштабнага ўварвання Расіі ва Украіну ў 2022 годзе. Узнагароду брытанскі лідар атрымаў напярэдадні сваёй адстаўкі пасля страты даверу ўнутры Лейбарысцкай партыі. Пра гэта паведаміла інфармацыйнае агенцтва Reuters.

Прэм’ер-міністр Вялікабрытаніі Кір Стармер быў узнагароджаны Ордэнам Ганаровага легіёна — вышэйшай нацыянальнай узнагародай Францыі. Прэзідэнт Эманюэль Макрон уручыў узнагароду ў Парыжы, адзначыўшы ролю брытанскага палітыка ва ўмацаванні бяспекі Еўропы пасля расійскага ўварвання ва Украіну ў 2022 годзе.

Стармер, які павінен пакінуць сваю пасаду 20 ліпеня пасля страты падтрымкі ўласнай Лейбарысцкай партыі, на працягу вайны ва Украіне цесна супрацоўнічаў з французскім прэзідэнтам. Адзін з ключавых напрамкаў іх узаемадзеяння — стварэнне «Кааліцыі рашучых» — групы дзяржаў, якія каардынуюць падтрымку Украіны.

Уручэнне ўзнагароды адбылося ў панядзелак пасля ўдзелу брытанскага прэм’ера ў апошнім для яго пасяджэнні гэтай кааліцыі. На наступны дзень Стармер узяў удзел у святкаванні Дня ўзяцця Бастыліі ў Францыі. У межах урачыстасцяў брытанскія вайскоўцы ўпершыню за больш як дваццаць гадоў далучыліся да параду разам са сваімі французскімі калегамі.

«Спадар прэм’ер-міністр, дарагі Кір, я хацеў бы яшчэ раз выказаць сваю ўдзячнасць і ўдзячнасць французскага народа за гады вашай працы на пасадзе прэм’ера. Але таксама — за ваша асабістае лідарства і адданасць не толькі ўласнай краіне, але і бяспецы нашай Еўропы, Украіне, двухбаковым адносінам і вашай прыстойнасці», — гаворыцца ў заяве Макрона, абнародаванай канцылярыяй Стармера.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]