У Варшаве напалі на Аляксандру Герасіменю

Невядомы ўдарыў беларускую чэмпіёнку па галаве.

На шматразовую чэмпіёнку свету і Еўропы па плаванні, уладальніцу трох алімпійскіх медалёў Аляксандру Герасіменю напалі ў Варшаве. Пра гэта піша галоўная рэдактарка сайта Charter97.org Наталля Радзіна у «Фэйсбуку»:

— Думаю, пра гэта варта распавесці. Нядаўна на маю сяброўку Аляксандру Герасіменю, вядомую беларускую спартсменку, чэмпіёнку свету па плаванні, напалі проста ў цэнтры Варшавы. На аўтавакзале Warszawa Zachodnia, куды Саша прыехала па справах раніцай 10 ліпеня, да яе ззаду падышоў невядомы мужчына гадоў 35 і ўдарыў кулаком па галаве. Пры гэтым ён не вымавіў ні слова і адразу сышоў, а Саша ад шоку і болю не адразу зразумела, што адбылося. Паклікаць на дапамогу не было каго, людзі спяшаліся на свае рэйсы і нават не звярнулі ўвагі на тое, што здарылася. Саша ж, калі прыйшла ў сябе, паехала ў паліцыю.

Я прыехала да Сашы ўжо ў Komenda Rejonowa Policji Warszawa III (Opaczewska, 8), дзе яна дала паказанні і распавяла пра тое, што адбылося. Аднак пры мне супрацоўніца паліцыі сказала, што знайсці злачынцу даволі складана: не факт, што здарэнне трапіла на камеры, невядома, якой якасці будзе выява, калі відэазапіс усё ж такі знойдзецца, і, у рэшце рэшт, магчыма, гэтага чалавека няма ў паліцэйскай картатэцы. Калі ж яго знойдуць, наўрад ці пасадзяць, бо калі траўмы не цяжкія і не бачныя, гэта лічыцца дробным хуліганствам.

Пакуль не раблю высноваў з гэтай гісторыі і спадзяюся, што нападнік усё ж будзе знойдзены. Хачу толькі нагадаць, што Аляксандра Герасіменя — не проста вядомая беларуская спартсменка. За ўдзел у пратэстах 2020 года ў Мінску яе прысудзілі да 12 гадоў пазбаўлення волі і канфіскавалі ўсю маёмасць. У Польшчы Саша атрымала палітычны прытулак, і я спадзяюся, што справа аб нападзе на яе будзе расследавана належным чынам.

Аляксандра Герасіменя пацвердзіла сайту Charter97.org факт нападу:

— Не ўяўляла, што такое можа здарыцца ў Варшаве пры дзённым святле, пры такім скопішчы людзей і, я спадзяюся, працуючых камерах. Не ведаю, што адбылося, але спадзяюся, што польскія ўлады разбяруцца, і чалавек панясе пакаранне.

Беларуская плыўчыха, трохразовая прызёрка Алімпійскіх гульняў Аляксандра Герасіменя ў 2020 годзе стала на бок пратэстоўцаў супраць фальсіфікацый выбараў. 18 жніўня 2020 года яна падпісала адкрыты ліст беларускіх спартсменаў з патрабаваннем спыніць гвалт у краіне.

У кастрычніку 2020 года Герасіменя выехала ва Украіну, дзе ўзначаліла Фонд спартыўнай салідарнасці, які дапамагаў спартсменам, што падтрымалі пратэсты. У 2022-м пераехала ў Варшаву, дзе запусціла заняткі па плаванні. У снежні 2022 года спартсменку ў Беларусі завочна прысудзілі да 12 гадоў зняволення, а яе маёмасць канфіскавалі.

У 2024 годзе Рада Беларускай Народнай Рэспублікі узнагародзіла Аляксандру Герасіменю Медалём Ордэна Пагоні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]