Z-блогер: ЗСУ рвуць фронт новай тактыкай

Пуцінскія прапагандысты б'юць трывогу.

Сілы абароны Украіны пачалі паспяхова прасоўвацца на фронце з дапамогай эфектыўнай тактыкі прасочвання малымі групамі. Яна істотна адрозніваецца ад таго, што робяць на фронце ЗС РФ. Падрабязнасці апісаў вядомы расійскі прапагандыст Аляксандр Харчанка, перадае «Дыялог».

Паводле яго звестак, украінская пяхота малымі групамі, максімальна скрытна і налягку, прасочваецца ў тыл акупантаў. Наступны этап — перакіданне гэтым групам забеспячэння з дапамогай дронаў. Пасля ўжо ідуць баявыя дзеянні.

«Супернік ужывае новыя фарматы дзеянняў пяхотных груп… Асабовы склад апанентаў дзякуючы шчыльнай «зялёнцы» ўсё часцей перасоўваецца налягку і максімальна скрытна прасочваецца малымі групамі на пазіцыі… Асабовы склад праходзіць «кіл-зону» налягку. Пры гэтым яго забеспячэнне ажыццяўляецца паветраным спосабам. Патлумачу. Гэта не занядбаны апорнік, куды кідаюць ежу і медыкаменты. Гэта свежая штурмавая група, якой «Бабай-Ягой» скідваюць СІБЗ (сродкі індывідуальнай бранявой абароны — рэд.), БК (баекамплект — рэд.), «птушкі» (ударныя БПЛА — рэд.), буйное ўзбраенне, «Старлінкі» і іншае. Атрымаўшы ўсё неабходнае, байцы здзяйсняюць рывок, і пры гэтым рывок эфектыўны, бо ім не давялося цягнуць на сабе ўсю амуніцыю дзясяткі кіламетраў», — распавёў Харчанка.

Прапагандыст канстатаваў, што сістэма лагістыкі трансфармавалася. Цяпер яна ажыццяўляецца пераважна па паветры. І Украіна вельмі актыўна карыстаецца адкрытымі магчымасцямі, выкарыстоўваючы сваю перавагу ў сферы БПЛА.

«Цяпер нашы штурмы могуць раптоўна сустрэць буйнакаліберны кулямёт або крута ўкамплектаваную групу з супрацьтанкавымі сродкамі там, дзе раней сядзелі толькі замучаныя байцы з аўтаматам і мінімумам БК», — напісаў Z-блогер.

Ён адзначыў, што Расія на гэтым этапе не ў стане паўтарыць такую тактыку, бо моцна адстае ад Украіны ў вытворчасці цяжкіх коптараў і наземных робатызаваных комплексаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]