Восьміногі «паразумнелі» насуперак законам эвалюцыі

Доўгі час біёлагі прытрымліваліся гіпотэзы «сацыяльнага мазгу».

Навукоўцы высветлілі, што вялікія мазгі ў жывёл могуць развівацца не толькі дзякуючы сацыяльнаму жыццю. Даследаванне, апублікаванае ў часопісе iScience, паказала, што інтэлект восьміногаў, кальмараў і каракатыц, верагодна, сфарміраваўся зусім іншым эвалюцыйным шляхам.

Доўгі час біёлагі прытрымліваліся гіпотэзы «сацыяльнага мазгу». Паводле яе, буйныя мазгі ўзнікаюць у жывёл, якія жывуць у складаных супольнасцях, бо ім даводзіцца запамінаць мноства сацыяльных сувязяў і ўзаемадзеянняў. Гэтая заканамернасць добра апісвае эвалюцыю прыматаў, кітоў, дэльфінаў, ваўкоў і некаторых птушак.

Аднак галаваногія малюскі не ўкладаюцца ў гэтую мадэль. Большасць восьміногаў вядзе адзіночны лад жыцця, не дбае пра патомства і нярэдка праяўляецца агрэсія да суродзічаў. Тым не менш яны маюць адны з самых буйных мазгоў сярод бесхрыбетных і дэманструюць складаныя паводзіны, уключаючы выкарыстанне інструментаў, вырашэнне задач і навучанне.

Міжнародная група даследчыкаў прааналізавала даныя пра 79 відаў галаваногіх малюскаў і прыйшла да высновы, што памер іх мазгу куды мацней звязаны не з сацыяльнасцю, а з асяроддзем існавання. Найбуйнейшыя мазгі мелі віды, што жывуць на марскім дне і мелкаводдзі, дзе навакольнае асяроддзе больш разнастайнае, а пошук ежы патрабуе пастаяннага навучання і прыняцця складаных рашэнняў.

Пры гэтым у больш сацыяльных відаў — кальмараў і каракатыц — навукоўцы не выявілі сувязі паміж памерам мазгу і ўзроўнем сацыяльных паводзінаў.

Аўтары лічаць, што вынікі падтрымліваюць гіпотэзу «культурнага мазгу». Паводле яе, павелічэнне мазгу адбываецца не толькі для камунікацыі з суродзічамі, але і для назапашвання ведаў пра навакольнае асяроддзе і вырашэння складаных практычных задач.

Даследчыкі падкрэсліваюць, што праца грунтуецца на параўнальным аналізе і не даказвае прычынна-выніковую сувязь. Тым не менш яна паказвае, што эвалюцыя інтэлекту магла ісці рознымі шляхамі, а складанае сацыяльнае жыццё — толькі адзін з магчымых фактараў з’яўлення вялікіх мазгоў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]