Калі беларусы змогуць насалодзіцца летам

На пачатку новага тыдня нас чакае радасная навіна.

Сіноптыкі не стамляюцца паўтараць, што ў 1980-х пачаўся перыяд пацяплення. Беларусы жартуюць: гэта азначае, што апранацца ў ліпені трэба так жа цёпла, як і ў сакавіку. Напрыклад, у Мінску што 9 сакавіка, што 9 ліпеня было аднолькава цёпла — плюс 12. Халодны ліпень злуе, прымушаючы змяняць планы і шкадаваць, што палова лета прайшла, а сапраўды стабільнага летняга надвор'я як не было, так і няма, піша «Камсамолка».

Слупок тэрмометра пасля дзікай спёкі за 35, а месцамі і за 40 градусаў упаў больш чым на 20 градусаў. А між тым ліпень у Беларусі лічыцца самым цёплым летнім месяцам. Даводзіцца мірыцца з тым, што Беларусь накрыў цыклон «Бернадэт».

Начальнік службы метэаралагічных прагнозаў Белгідрамета Марына Грыцкевіч на пытанне, калі ўжо можна будзе насалодзіцца летам, адказала як аптыміст:

- Не варта адчайвацца, усё ж такі сярэдзіна лета. Наперадзе яшчэ два месяцы. На жаль, да канца гэтага тыдня нічым парадаваць не магу. Тэмпературны фон па-ранейшаму будзе з адмоўнай анамаліяй, гэта значыць на 1,4 градуса ніжэй за норму. Начамі прахалодна: 9–15 градусаў, удзень ад 15 да 24. Але самы халодны дзень учора (8 ліпеня. — Рэд.) мы ўжо перажылі, — распавяла яна ў Нацыянальным прэс-цэнтры Беларусі.

Дык самы час успомніць словы барда: «Трымайцеся, людзі, хутка лета!».

- Радасная навіна чакае нас з пачатку новага тыдня. Тэмпературны фон пачне павышацца ў сувязі з адвекцыяй цёплых паветраных мас, таму начамі будзе ад 13 да 19 градусаў, а ўдзень — ад 20 да 29 градусаў, — парадавала сіноптык.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]