Адказнага лася-пешахода заўважылі пад Смалявічамі
Відэафакт.
Лося з веданнем ПДР заўважылі на трасе пад Смалявічамі. Відэа ў Threads заўважыў abw.by.
Незвычайныя паводзіны жывёлы зняла на камеру тэлефона і апублікавала ў сацыяльнай сетцы дзяўчына, якая ехала ў сталіцу.
На кадрах бачна, што сахаты не стаў лезці наўпрост, а цярпліва стаяў на абочыне, чакаючы не менш адказных вадзіцеляў.
Лось перасек дарогу толькі тады, калі ўпэўніўся, што машыны збавілі хуткасць. І зрабіў гэта не спяшаючыся і з пачуццём уласнай годнасці.
– Прыгажун, учынак варты павагі! Брава за ПДР. Усім бы такую свядомасць, – захапілася дзяўчына.
Каментары не прымусілі сябе чакаць, пераважна жартаўлівыя.
«Гэта проста беларускі лось, я не здзівілася б: калі б быў пешаходны пераход, ён бы па ім і пераходзіў дарогу», – намякнула на асаблівасці менталітэту беларусаў адна з карыстальніц сацсеткі.
«Навучальнае відэа ад лася для некаторых катэгорый “несмяротных” пешаходаў, што перабягаюць ажыўленую трасу, тупа гледзячы наперад», – адзначыў здаровы сэнс жывёлы іншы каментатар.
«Шмат каму з людзей бы такую свядомасць, як у гэтага цудоўнага лася2», – пагадзіўся наступны.
«Вось такая наша Беларусь, у нас нават ласі ПДР выконваюць!» – падсумавала адна з каментатарок.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
