FT: «Ценявы флот» РФ можа прывесці да маштабнай экалагічнай катастрофы

Больш за палову расійскіх танкераў знаходзяцца ў небяспечным тэхнічным стане.

Больш за палову танкераў «ценявога флоту» краіны-агрэсара Расіі могуць знаходзіцца ў небяспечным тэхнічным стане і прадстаўляць пагрозу сур'ёзнай экалагічнай катастрофы. Пра гэта 31 мая паведаміла Financial Times.

Генеральны дырэктар GMS Partnership Аніл Шарма у каментарыі FT заявіў, што ў хуткім часе можа адбыцца буйное нафтавае забруджванне, падобнае да аварыі 1979 года, калі сутыкнуліся SS Atlantic Empress і Aegean Captain, у выніку чаго ў мора вылілася больш за 2 млн барэляў нафты.

На яго думку, не менш як трэць суднаў варта ўтылізаваць,

Паводле дадзеных брокера Clarksons, у «ценявым флоце» налічваецца каля 1,8 тыс. суднаў, з якіх прыблізна 1,5 тыс. — нафтавыя. Большасць з іх старэйшыя за 20 гадоў.

Уладальнікі суднаў, якія падпадаюць пад санкцыі, спрабуюць максімальна падоўжыць тэрмін іх эксплуатацыі з-за прыбытковасці гандлю нафтай на фоне крызісу ў Персідскім заліве, тлумачыць FT.

Кіраўнік суднаходнай кампаніі CMB Tech Аляксандр Саверыс распавёў, што гэтыя судны часта не застрахаваныя. Таксама яны дрэнна абслугоўваюцца, а на борце — некваліфікаваны экіпаж.

Паводле яго слоў, катастрофа «рана ці позна адбудзецца».

Саверыс дадаў, што «гэта бомба запаволенага дзеяння».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]